E fundit!

11:38 Aktualitet

Rrëshqitje dheu në Kodër Currila/ Rrezikohet pallati

Rrëshqitje dheu janë regjistruar në Kodër Currila në orët ...

Në pritje të bebit: Këto janë babyshower-ët më fantastikë të të famshmeve shqiptare

21 Gusht 2018, 09:10, Lifestyle CNA

Ardhja në jetë e një bebushi të ri është një ndër pretekstet më të mira për të organizuar një festë! Ndaj edhe vajzat e famshme shqiptare kanë nisur të përqafojnë çdo ditë e më shumë idenë e ?baby shower?, ku së bashku me miqtë dhe familjarët festojnë për bekimin e ri që do të vijë në jetë. Cup cake, si vepra të vogla arti, biskota në forma biberoni apo karroce në ngjyrë rozë e të kaltra, dekori nga duart e profesionistëve është gjithçka që shihni në atë ditë.

Baby Shower është një traditë kryesisht amerikane, që organizohet pak ditë përpara se vogëlushi i familjes të vijë në jetë. Fillimisht mendohet se festa nënkupton ?dushin? e dhuratave që sjellin të ftuarat në festë për vogëlushin dhe se kjo është shfaqja e parë e bebushit tek miqtë e prindërve.

Vajzat e famshme shqiptare kanë organizuar festat më të bukura të ?Baby shower? ndaj më poshtë ju prezantojmë me festat më të veçanta!

Pak ditë më parë, Adelina Tahiri organizoi një ?Baby shower? me miqtë dhe familjarët, për fëmijën që pret të vijë në jetë. Adelina dukej magjepsëse e veshur me një fustan të bardhë elegant që tregonte barkun e saj të rrumbullakosur.

Të ftuarit gjithashtu u veshën me të bardha duke i?u përmbajtur kodit të veshjes në ftesën e dërguar nga vetë këngëtarja. Ndërsa pritja u mbajt në një ambient të hapur dekoruar me ngjyrën e bardhë dhe bojëqielli, buzë një pishine të madhe.

Blerina Braka preferoi që pamjet e ?Baby shower-it? të saj, t?i dokumentonte në videoklipin e këngës ?Pritja e ëmbël?.

Ajo shfaqej shumë e ëmbël mes lulesh dhe ngjyrës blu, tipike në festat për djemtë. Blerina kishte zgjedhur të festonte me mikeshat e saj më të mira.

Këngëtarja Tuna Sejdi organizoi një festë me mikeshat e saj për të festuar pritjen e ëmbël. E veshur me një fustan të bardhë, Tuna ekspozonte me krenari barkun e rrumbullakosur.

Ajo kishte zgjedhur ngjyrën e bardhë dhe atë bojëqielli, për të dekoruar ambjentin buzë pishinës.

Albërie Hadërgjonaj dhe Anxhelina organizuan një ?Baby shower? surprizë për të shtrenjtën e tyre. Agnesa Hadërgjonaj ishte në pritje të ëmbël me Elektrën dhe festa i dedikohej vetëm asaj.

Agnesa zgjodhi të vishej me të kuqe, ndërsa në festë ishin edhe të gjithë djemtë e familjes Hadërgjonaj.

Noah është bekimi i parë për këngëtaren Argjentina Ramosaj! Këngëtarja festoi shtatzëninë në një festë intime me familjarët e saj.

Ajo kishte zgjedhur si temë të ?Baby shower? ngjyrën bojëqielli në festën që u organizua në natyrë.

Mikeshat e gazetares Ilva Tare nuk lanë pa organizuar një festë surprizë për të, gjatë kohës që ajo ishte shtatzënë me Melody-n. Të gjitha mikeshat kishin zgjedhur të vishenin me ngjyën e bardhë, ndërsa ëmbëlsirat ishin në ngjyrë të verdhë.

Festa e Sara Hoxhës ishte madhështore dhe çdo gjë dukej perfekte! ?Baby shower? u organizua nga motra e saj Lori Hoxha dhe ishte i ndarë në dy pjesë. Fillimisht u festua me miqtë e familjes në një ambjent të dekoruar në ngjyrë bojëqielli dhe Sara kishte zgjedhur një fustan të së njëjtës ngjyrë.

Ndërsa më vonë, të gjitha mikeshat u mblodhën brenda një suite hoteli dhe vijuan festën me pizhama.

Zaimina Vajsari organizoi një ?baby shower? magjik për të festuar pritjen e ëmbël. E veshur me një fustan të bardhë të shkurtër, Zaimina ekspozonte barkun e rrumbullakosur.

Mes ëmbëlsirave dhe zbukurimeve ngjyrë rozë, Zaimina zbuloi edhe emrin e vogëlushes së saj: Khloe.