web counter
LEXO PA REKLAMA!

SHKARKO APP

App Store
Google Play

Tragjedia në Genova zgjon autoritetet shqiptare/ Frikë për shembjen e urave?

17 Gusht 2018, 14:12, Aktualitet CNA

Tragjedia e disa ditëve më parë në Genova të Italisë, ku 39 persona humbën jetën pas shembjes së urës Morandi, ka zgjuar edhe autoritetet rrugore shqiptare.

Në një dalje për mediat, drejtori i Policisë Rrugore Mithat Tola deklaroi se janë ndërmarrë disa masa.

Gjithashtu ai pohoi se ka filluar inspektimi i sistemeve të sinjalizimit vertikal dhe horizontal mbi tregimin e peshës së lejuar të mjeteve mbi ura, po ashtu edhe gjendjen e këtyre strukturave dhe të elementeve të sigurisë.

?Javën në mbyllje dhe javët në vijim, shërbimi i Policisë Rrugore në bashkëpunim me ?Autoritetin Rrugor Shqiptar?, nisur nga ngjarja tragjike ? rrëzimi i Urës në Genova të Italisë, ku humbën jetën 39 persona, ka filluar inspektimin e sistemeve të sinjalizimit vertikal dhe horizontal mbi tregimin e peshës së lejuar të mjeteve mbi ura si dhe në përbërje të grupeve teknike të inspektimit edhe për të verifikuar gjendjen e këtyre strukturave dhe të elementeve të sigurisë. Në bashkëpunim me aktorë të tjerë të ngarkuar me ligj për menaxhimin e elementëve të sigurisë rrugore në këto infrastruktura, Shërbimi i Policisë Rrugore do të monitorojë në mënyrë të rreptë tejkalimet e peshave të ngarkesave të mjeteve, për të shmangur dëmtimet dhe respektimin e ligjit duke ?prodhuar? me shumë siguri rrugore.?, tha Tola.





Lajmet e fundit nga