web counter
LEXO PA REKLAMA!

SHKARKO APP

App Store
Google Play

PD sulmon Top Channel

17 Gusht 2018, 10:45, Aktualitet CNA

Partia Demokratike ka sulmuar sot Top Channel, duke e akuzuar se censuron ngjarjet e rënda.

Në një dalje për mediat, deputeti i PD, Gent Strazimiri ndërsa ka reaguar në lidhje me ngjarjen e djeshme, ku një bombol gazi shpërtheu në një nga cerdhet e Tiranës, është shprehur se i vetmi televizion që censuroi videon, ishte Top Channel.

?Pamjet televizive të ekraneve që nuk e çensuruan ngjarjen, siç e çensuroi Top Channel, dhe dëshmitë e gazetarëve nga vendngjarja provojnë mashtrimin kriminal të Erion Veliajt. Tregojnë se shpërthimi është brenda çerdhes dhe se prindërit dëshmonin për erën e fortë të gazit.?-tha ndër të tjera Strazimiri.

Po ashtu, ai ka hedhur akuza të forta edhe në drejtim të kryebashkiakut Veliaj, ndërsa u shpreh se ?Njësoj siç veproi për të fshehur dhe pastaj për të mbuluar krimin e vrasjes së 16 vjeçarit Ardit Gjoklaj tek plehrat e Sharrës, Erion Veliaj ka urdhëruar zhdukjen e çdo gjurme të përgjegjësisë kriminale të Bashkisë së Tiranës për shpërthimin shkatërrues nga një bombol gazi, në çerdhen 14 në Ali Dem.?.

Sipas Strazimirit ngjarja skandaloze e shpërthimit të gazit në një çerdhe të Tiranës i ka hequr lustrën e propagandës dhe ka nxjerrë Erion Veliajn e vërtetë, atë që jo të gjithë e njohin: një mashtrues të korruptuar, që nuk kursen as fëmijët për hir të pushtetit.

Ndërsa më tej, Strazimiri akuzoi kryebashkiakun pasi sipas tij, Veliaj është angazhuar personalisht të gënjejë dhe mashtrojë çdo njeri publik që flet për ngjarjen, duke u thënë se shpërthimi ishte në një godinë jashtë çerdhes dhe pa lidhje me të.





Lajmet e fundit nga