web counter
LEXO PA REKLAMA!

SHKARKO APP

App Store
Google Play

Korça vijon traditën/ Festohet dita e rakisë së manit

16 Gusht 2018, 14:23, Aktualitet CNA

Në Boboshticë është festuar dita e rakisë së manit. Kjo fillon me momentin kur banorët, pasi kanë vjelur frutin vendosin kazanet e rakisë dhe prodhojnë pijen sipas metodës artizanale, raporton abcnews.

Manat janë vjelë dhe boboshtarët në oborre kanë vënë kazanet e rakisë. Banorët që kanë mbetur në fshat, nuk heqin dorë nga tradita e trashëguar ndër breza.

Më së shumti, e prodhojnë për vete dhe për të nderuar miqtë, që ju vijnë në shtëpi. Rakija e manit, frutit të ëmbël që nxjerr raki të fortë, vazhdon të prodhohet në mënyrë artizanale dhe të pandryshuar, duke i dhënë produktit shije unike.

Bashkia e Korçës ka menduar ta kthejë në festë lokale, prodhimin e rakisë së manit,duke synuar promovimin e traditës dhe zhvillimin e turizmit lokal.

I pranishëm në festë, ishte edhe kryetari i Bashkisë së Korçës, Sotiraq Filo. Ky i fundit është shprehur, se dalëngadalë po i bëjnë njerëzit, të vizitojnë edhe fshatrat e Korçës.

Festës i janë bashkuar edhe mjaft qytetarë nga Korça, të cilët janë shprehur se Boboshtica prodhon rakinë më të mirë të manit.

Boboshtica dhe Drenova janë fshatrat që ende e mbajnë të gjallë traditën e prodhimit të rakisë së manit. Zonjat e shtëpisë e servirin bashkë me reçelin ose glikonë.





10:54 Aktualitet

Luli ku je ti?

Këto ditë të nxehta gushti, kreu i opozitës Lulzim Basha, po...

Lajmet e fundit nga