E fundit!

17:15 Aktualitet

Sondazhi/ A i mbështesni protestat e fundit kundër qeverisë?

Në kryeqytet janë zhvilluar prej disa ditësh protesta kund...

Emrat që ofrojnë Rama dhe Basha në Korçë/ Zbulohen kandidatët e dy kampeve politike

16 Gusht 2018, 16:09, Aktualitet CNA

Ndërkohë që zgjedhjet lokale po afrojnë, duket se partitë politike në vend, kanë gati edhe kandidatët në disa nga bashkitë kryesore në vend.

CNA.al ka mësuar se në bashkinë e Korçës, nga kampi opozitar flitet për disa emra të cilët mund të garojnë përballë kryebashkiakut Filo.

Një ndër emrat e diksutuar është Kristiano Koçibelli, kandidat për deputet i PD në këtë qark, në zgjedhjet e përgjithshme të vitit 2017. Ky plotëson një nga kërkesat kryesore të Lulzim Bashës, që është edhe financimi i fushatës. Pra, mbulimi i shpenzimeve elektorale gjatë garës.

Një tjetër kandidate e mundshme për demokratët është edhe Sorina Koti, pedagoge në Universitetin e Korçës, ish-kandidate për deputete dhe koordinatore e Lulzim Bashës. Pa një shkëlqim në politikë, e ngelur në hije dhe pa peshën e duhur brenda demokratëve, ngelet pretendente serioze.

Pedagogia Ledina Aliolli është një tjetër kandidate në listën e PD-së për Bashkinë e Korçës. Aliolli, ish-deputetja në vitet 2009-2013 dhe kryetare e LDG-së, mund të jetë pjesë e garës për Korçën.

Ndërsa një tjetër emër i diksutuar është edhe Përparim Kutrollit, një nga emrat e botës së biznesit dhe tregtisë së vezëve. Ai mund të jetë surpriza pasi nga fshatrat e Bilishtit mund të rivalizonte për kryebashkiak, pasi më parë është zgjedhur edhe anëtar i këshillit bashkiak të bashkisë së Korçës.

Socialistët duken të bashkuar tek një emër. Sotiraq Filo rikandidon për herë të tretë. Mandatin e parë e siguroi në vjeshtën e 2013-ës, pasi paraardhësi i tij Niko Peleshi u emërua zv.kryeministër.

Filo nuk ngelet vetëm rival, por në një betejë për t’u rikonfirmuar në detyrë, duket se ka të gjitha avantazhet në garë. Jo për faktin se është kandidat i mazhorancës socialiste, por sepse Korça është kthyer në një nga oazet më atraktive dhe përtej problematikave apo kritikave, Filo ka meritën që Korça është kthyer në një nga qytetet më me ritëm dhe më të vizitueshëm dhe kjo në çdo stinë.

Kryebashkiaku do ta kishte të lehtë fitoren e tij me secilin nga emrat e mësipërm të ofruar nga opozita, e cila në Korçë është e dobët dhe e m?pakur, e përcarë, dhe e drejtuar nga një ?elitë? mediocre dhe e paaftë, thuajse e braktisur totalisht nga qytetarët korçarë dhe nuk duket të jetë një alternativë e besueshme, për sa kohë nuk ?ekziston? si mundësi ndryshimi.

Gara e vitit të ardhshëm në Korçë, në zgjedhjet për kryebashkiak, më shumë se e tillë duket të jetë një formalitet, ku Sotiraq Filos do t?i ofrohet një rival nga Andrea Mano, miku dhe ish-ortaku i tij, sot në krye të PD-së së Korçës, që në fakt është thjeshtë një instrument në shërbim të Rilindjes dhe socialistëve./ CNA.al