web counter
LEXO PA REKLAMA!

SHKARKO APP

App Store
Google Play

E fundit!

x

12-vjeçarja zhduket në plazhin e Pogradecit/ Familja kërkon ndihmë

12 Gusht 2018, 12:42, Aktualitet CNA

Një 12-vjeçare është zhdukur, ndërkohë që po pushonte me familjen në Pogradec, në zonën e plazhit publik.

Uniformat blu bëjnë të ditur se kallëzimi në polici është bërë nga bashkëshorti i mamasë së 12-vjeçares, shtetasi V.F, 37 vjeç, banues në Pogradec.

Sipas policisë vajza e bashkëshortes së shtetasit, V.F, Florentina Meyer, 12 vjeçe, banuese në Gjermani është larguar në drejtim të paditur.

Familja e 12-vjeçares kërkon bashkëpunimin e medias dhe qytetarëve, për gjetjen e saj pasi 12 vjeçarja, zotëron vetëm gjuhën gjermane.

Njoftimi i plotë i policisë:

Më datë 12.08.2018, në Komisariatin e Policisë Pogradec, është paraqitur shtetasi V.F, 37 vjeç, banues në Pogradec, i cili  ka bërë kallëzim se më datë 11.08.2018, rreth orës 15:00, në lagjen nr 1 Pogradec, në zonën e plazhit publik, ku familja e tij po pushonte i është larguar vajza e bashkëshortes së tij shtetasja Florentina Meyer, 12 vjeçe, banuese në Gjermani.

Vajza është e gjatë 155 cm, flokët ngjyrë të çelur, sytë bojëqielli.

Ka qenë e veshur me një bluze ngjyrë gri, atlete ngjyrë të zeza, me mbishkrimin “Adidas”, si edhe një palë pantallona të shkurtra me lara.

Kërkojmë bashkëpunimin nga ana e medias dhe qytetarëve, për gjetjen e saj pasi 12 vjeçarja, zotëron vetëm gjuhën gjermane.

Kushdo që ka informacion të saktë mbi vendndodhjen e kësaj shtetase, është i lutur të telefonojë në numrat 0694110226 dhe 0694110229.

Ju faleminderit!





Lajmet e fundit nga