web counter
LEXO PA REKLAMA!

SHKARKO APP

App Store
Google Play

Politikat e Salvinit kundër refugjatëve/ “Përçahet” koalicioni qeverisës

5 Gusht 2018, 16:54, Aktualitet CNA

Politikat e rrepta kundër emigracionit, kanë sjellë krisjet e para në koalicionin qeverisës në Itali. Shenjat e para i ka dhënë deputeti i ?5 yjeve? dhe njëkohësisht anëtar i dhomës së deputetëveRoberto Fico.

Ky i fundit ka kritikuar ashpër paktin me Libinë, për kthimin me forcë të emigrantëve në vendin e pllakosur nga lufta civile në veri të Afrikës.

Fico u shpreh se Libia nuk është një vend i sigurtë dhe emigrantët nuk mund të lihen në mëshirë të fatit. Ndër të tjera deputeti është shprehur kundër vendimit të Ministrit të Brendshëm, Mateo Salvini, për mbylljen e porteve për refugjatët. Ai gjithashtu ka pasur përplasje me Salvinin, për shkak të retorikës rraciste të përdorur nga ky i fundit

Që prej emërimit të Salvinit si Ministër i Brendshëm, në Itali janë regjistruar 12 raste të shtënash me armë, dy të vrarë dhe 33 agresione fizike. Lidhur me këto ngjarje, deputeti i ?5 Yjeve?, Vincenzo Spedafora, është shprehur se politika ka për detyrë të krijojë një barrierë ndaj këtyre veprimeve.

Politikat e Qeverisë italiane kanë shkaktuar edhe pakënaqësi në popull, kryesisht në rajonin jugor, i cili konsiderohet bastioni kryesor i ?5 yjeve?. Qytetarët shprehen kundër fjalorit të përdorur nga Salvini për jugorët, ndërsa shtojnë se dy partitë e koalicionit qeverisës, kanë shumë pak pika të përbashkëta. /CNA.al





Lajmet e fundit nga