E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Adriatik Llalla në dyert e Prokurorisë/ Sfidon Arta Markun dhe Donika Prelën

5 Gusht 2018, 14:46, Aktualitet CNA

Ish-kryeprokurori Adriatik Llalla, së fundmi është parë në Shqipëri. Ai është fotografuar në një nga restorantet e kryeqytetit, nën shoqërinë e disa personave të tjerë.

Ish-kryeprokurori Llalla, i cili u largua nga detyra në 8 dhjetor 2017 pasi i skadoi mandati, duket se ka zgjedhur të sfidojë Prokuroren e Përgjithshme të përkohshme Arta Marku por edhe kryeprokuroren e Krimeve të Rënda Donika Prela.

Iu vjen pothuajse tek dera e Prokurorisë, ndërkohë që as nuk thirret për t?u marrë në pyetje.

Rikthimi i tij në Shqipëri vjen pak ditë më pas, kur Gjykata për Krime të Rënda, konfirmoi dhe pranoi kërkesën e Prokurorisë për vënien nën sekuestro preventive të pasurive të tij.

Dyshohet se ish-kryeprokurori ka kryer pastrim parash. Mes objekteve të sekuestruara është një apartament në Durrës, dhe mijëra metra katrorë tokë në Tiranë.

Ndërkaq, nga Prokuroria për Krime të Rënda, Llalla po hetohet për disa vepra penale, si refuzimi për deklarim, mosdeklarimi, fshehja ose deklarimi i rremë i pasurisë, interesave private të zgjedhur dhe nëpunësve publikë ose i çdo personi tjetër që ka detyrimin ligjor për për deklarim, për mosdeklarim të shumave të të hollave në kufi, për pastrimit të produkteve të veprës penale si dhe për shpërdorimit të detyrës.

Kujtojmë se Llalla i shpëtoi procesit të Vettingut, pasi paraqiti dorëheqjen nga sistemi para Komisionit të Pavarur të Kualifikimit, ndërsa ky i fundit e pranou..

Edhe pse Komisioneri Publik e ankimoi vendimin e KPK ?së për ta lënë jashtë Vettingut, ishte sërish Komisioni i Posaçëm i Apelimit që la në fuqi vendimin e KPK -së.

Pronat e sukuestruara të Llallës

Apartament banimi, me sipërfaqe 67.2 m², ndodhur në Durrës;

Tokë arë, me sipërfaqe 4.500 m², ndodhur në Tiranë;

Tokë arë, me sipërfaqe 12.300 m², ndodhur në Tiranë;

Tokë arë, me sipërfaqe 3000 m², ndodhur në Tiranë;

Tokë arë, me sipërfaqe 2250 m², ndodhur në Tiranë;
Vlera e tregut e pasurive të paluajtshme të mësipërme, në total është në shumën 98.772.000 lekë./CNA.al