web counter
LEXO PA REKLAMA!

SHKARKO APP

App Store
Google Play

Gushti pa gjykata/ Vettingu ikën me pushime

5 Gusht 2018, 10:39, Aktualitet CNA

Muaji Gusht shënon ndërprerjen e Vettingut për gjyqtarët dhe prokurorët.

Ndërkohë që komisionerët e Vettingut, po pushojnë, vendi është pa gjykata.

Gjykata e Lartë dhe ajo Kushtetuese janë ?shkrirë?, pas shkarkimit të pjesës më të madhe të anëtarëve të tyre.

Fillimisht Shqipëria mbeti pa Gjykatë Kushtetuese dhe më pas të njëjtin fat pati dhe Gjykata e Lartë.

Për të plotësuar vendet vakante në Kushtetuese, duhet të zgjidhet Këshillit i Lartë Gjyqësor.

Në fakt KKP i ka rivlerësuar të gjithë kandidatët që kanë kërkuar të jenë pjesë e KLGJ, por një pjesë e tyre kanë rënë, ndërsa të tjerë janë ankimuar nga ONM apo Komisioneri Publik.

Për anëtarët gjyqtarë, garuan katërmbëdhjetë gjyqtarë të të gjitha niveleve, nga të cilët, nëntë janë konfirmuar, katër janë shkarkuar dhe një ka dhënë dorëheqjen.

Por, procesi përfundimtar do të  presë edhe vendimet e mundshme të Kolegjjit të Posaçëm të Apelimit,  i cili deri më tani ka konfimuar shkarkimin e  ish-gjyqtarit të Durrësit Besim Trezhnjeva.

Këshilli i Lartë Gjyqësor do të zëvendësojë Këshillin e Lartë të Drejtësisë për pjesën e gjyqtarëve dhe do të përbëhet nga 11 anëtarë.

Nga 11 anëtarët, gjashtë do të zgjidhen nga rradhët e gjyqësorit dhe pesë janë zgjedhur nga Kuvendi i Shqipërisë me juristë jogjyqtarë./CNA.al

 

 





Lajmet e fundit nga