web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimi i kufijve mes Kosovës dhe Serbisë/ Majko i “tregon vendin” Gjuriç-it

2 Gusht 2018, 17:29, Aktualitet CNA

Ministri i Diasporës, Pandeli Majko është bërë pjesë e debatit për ndryshim kufijsh midis Serbisë dhe Kosovës.

Në një postim në rrjetet sociale, Majko i ka kthyer përgjigje deklaratës së shefit të zyrës për Kosovën në Qeverinë serbe, Marko Gjuriç, duke shkruar se ëndrrat për ndryshim kufinjsh kanë përfunduar.

Gjuriç kishte deklaruar më parë se Kosova dhe Shqipëria nuk kanë kufinj por ekziston vetëm kufiri shqiptaro-serb, i cili është 111 km i gjatë.

Lidhur me këtë deklaratë, Majko ështyë përgjigjur se Jugosllavia nuk ekziston më dhe dikush duhet t?ja thotë Gjuriç.

Gjithashtu Majko ka kujtuar takimin me kryeministrin e Kosovës Ramush Haradinaj dhe presidentin, Hashim Thaçi, ku u vendos përfundimisht lëvizja e lirë e mallrave mes Shqipërisë dhe Kosovës, që prej 1 janarit të vitit të ardhshëm.
Postimi i plotë

Dje, në një vizitë zyrtare në Prishtinë, Kryeministri i Kosovës Ramush Haradinaj më konfirmoi lajmin i cili është diskutuar prej kohësh midis Qeverisë së Shqipërisë dhe Qeverisë së Kosovës. Ai është fillimi i lëvizjes së lirë së njerzve dhe mallrave midis dy vendeve tona duke filluar nga 1 janari 2019.

Kujtoj se në takimin e parë zyrtar të dy kryeministrave, të Shqipërisë dhe Kosovës, si afat u vendos që ky proces të fillonte në 1 janar 2018. Për arsye të mirëkuptueshme, Qeveria e Kosovës kërkoi kohën e nevojshme për të marrë vendimin.

Dje, Kryeministri Haradinaj më kërkoi që në festimet ku ishim të ftuar bashkë me Presidentin Hashim Thaci dhe zëvendëskryeministrat Pacolli dhe Gashi në Komunën Skënderaj, nën hijen e bustit të Bacës Adem Jashari, të isha unë që do të jepja lajmin se Kosova e ka marrë vendimin përfundimtar për lëvizjen e lirë midis kufijve shtetërorë të dy vendeve tona.

Lexova që sot, Gjuric, Drejtori i zyrës për Kosovën në Shtetin Serb ka deklaruar se ?Kosova dhe Shqipëria nuk kanë kufij, ekziston vetëm kufiri ndërmjet Serbisë e Shqipërisë me gjatësi 111 kilometra?? Uroj që dikush ti thotë se Jugosllavia nuk ekziston më? Endrat me ndryshim kufijsh kanë mbaruar përfundimisht. Kosova është shtet i pavarur dhe kjo është arsyeja pse edhe ai është sot drejtor?Natyrisht. /CNA.al





Lajmet e fundit nga