web counter
LEXO PA REKLAMA!

SHKARKO APP

App Store
Google Play

Aplikimet në universitet. Nis aplikimi i formularit A2 përmes portalit U-Albania

30 Korrik 2018, 14:21, Aktualitet CNA

Mbi 36 mijë maturantë që dëshirojnë të vijojnë studimet në universitet nga sot e deri më 4 gusht, kanë të drejtë të aplikojnë përmes formularit A2, për të vijuar studimet e larta.

Kësaj radhe maturantët do të aplikojnë nga shtëpia, përmes një telefoni mobile në portalin U-Albania.

Megjithatë drejtoresha e shkollës ?Sami Frashëri? Teuta Dobi thotë se aplikimet bëhen online, të gjithë maturantët mund të kërkojnë ndihmë edhe pranë stafeve pedagogjike, pasi mësuesit do të jenë në shkolla për t’i dhënë ndihmën e duhur maturantëve.

Për 6 ditë me radhë të gjithë maturantë kanë mundësi që të aplikojnë dhe të plotësojnë formularin A2 përmes portalit U-Albania, duke përzgjedhur 10 degët e preferuara për në universitet.

Drejtoresha e shkollës “Sami Frashëri” Teuta Dobi sqaroj në studion e KAFEIN të gjithë procedurën e plotësimit të formularit A 2, e cila sipas saj kalon përmes 5 hapave.

Maturantët kanë 10 mundësi për të përzgjedhur gjatë aplikimit të formularit A2.

Megjithatë drejtoresha e shkollës Teuta Dobi thotë se trupa pedagogjike do të jenë në shërbim të maturantëve për cdo problem që hasin gjatë aplikimit.

Por a rrezikon që portali të bllokohet për shkak të aplikimeve të shumta?

?Mund të ketë shumë fluks dhe momente që të bllokohet portali por mund ta provoni më vonë? shprehet drejtoresha.

Për të aplikuar për formularin A2 të gjithë maturantët në mbarë vendin kanë mundësi që të aplikojnë nga data 30 korrik deri më 4 gusht.

Janë më shumë se 36 mijë maturantë që kanë mbyllur ciklin shkollor të mesëm dhe synojnë të vijojnë studimet në universitet.

Ndërkohë në fund të muajit gusht pritet dhe publikimi i listës së parë fituese të maturantëve.





Lajmet e fundit nga