E fundit!

18:24 Aktualitet

Nis protesta e gjashtë në Tiranë kundër qeverisë

Mbahet ditën e sotme protesta e radhës kundër qeverisë në ...

I fundit i Gjykatës së Lartë/ Pasuria e Medi Bicit nën hetim

30 Korrik 2018, 13:43, Aktualitet CNA

Medi Bici është anëtari i fundit nga Gjykata e Lartë që iu nënshtrua sot seancës publike para Komisionit të Pavarur të Kualifikimit, ndonëse u shpreh se kishte besim tek drejtësia.

Gjyqtari ka dhënë shpjegime të detajuara për pasurinë e tij, punën në minierë, blerjen dhe shitjen e banesës në Shkozë, ndërsa në përfundim të seancës u vu disi në siklet nga pytjet e gazetarëve.

Sipas raportit të ILDKPKI, gjyqtari Bici nuk ka bërë deklarim të saktë pasurie, nuk ka burime të mjaftueshme, ka bërë deklarim të rremë dhe fshehje pasurie. Por Bici sqaroi se ka paraqitur prova të tjera para KPK-së për të vërtetuar të kundërtën. Madje ai tha se në lidhje me banesën, i konsideronte lapsuse konkluzionet në të cilat kishte dalë ILDKPI, shkruan BW.

“E thashë edhe në seancë, për mua është një gabim, se s?ka shpjegim tjetër. Është thjesht një harresë. Procesi deri tani besoj që ka qenë korrekt?,- u shpreh ai.

E ndërsa u pyet për 11 provat e reja që kishte paraqitur për të bindur anëtarët e KPK-së, Bici tha se një nga provat ishin procesverbalet dhe materialet që kishte treguar në lidhje me banesën e tij.

?Po çfarë të them unë nga karriera ime e gjatë?! Karriera ime ka qenë se unë kam qenë kryesuesi i trupës numër 1 penale në Gjykatën e Tiranës, anëtar i gjykatës së parë për Krimet e Rënda që vetëm krimin e organizuar ka gjykuar, kështu që gjithë karriera ime ka kaluar në çështje penale, përveç viteve që jam në Gjykatën e Lartë që më ra pjesa për të punuar në Kolegjin Administrativ, ku dhe u specializova mjaft mire?.

Ai tha ndër të tjera se sot që po flet Gjykata e Lartë gjykon me 22% kapacitet ndërkohë që presin 25 mijë procese.

Kujtojmë se nga 17 anëtarë që kishte Gjykata e Lartë në vitin 2016, 6 anëtarë kanë dhënë dorëheqjen për shkak të mbarimit të mandatit, një anëtare ka dhënë dorëheqjen para mbarimit të mandatit, 4 gjyqtarë janë shkarkuar nga KPK, tre janë konfirmuar në detyrë, ndërkohë që KPK duhet akoma të dalë me vendim për gjyqtarët Artan Broci dhe Medi Bici.

Hetimi për banesën në Shkozë
KPK ka ndërmarrë një hetim të pavarur për pasurinë e gjyqtarit dhe ka marrë në shqyrtim një shtëpi katër katëshe të ndërtuar në Shkozë, gjatë viteve 1993-1996 me vlerë 6 milion, një tokë 2 mijë m2 të përfituar me ligjin 7501, një makinë Chrysler me vlerë 10,000 euro, 10,000 euro shpenzime për shkollimin e fëmijëve në vitet 2008-2011, dhe një likuditet bankar prej 1.8 milionë lekë.

Sipas KPK-së për shtëpinë katër katëshe me sipërfaqe fillestare prej 130 m2, të ndërtuar midis viteve 1993 dhe 1996, gjyqtari ka mospërputhje midis deklaratave veting dhe atyre periodike 2003 dhe 2010, për sa i përket kateve. Ndërkohë, Komisioni i kërkoi Bicit dokumente shtesë për të ardhurat e të vëllait, i cili ka mbuluar 10,000 euro shpenzime shkollimi për fëmijët e tij. Ndryshe nga ILDKPKI, KPK ka ndërmarrë një hetim të thelluar dhe të pavruar duke mbledhur informacion nga institucionet publike, por nuk ka konstatuar pasuri të fshehura të gjyqtarit.