web counter
LEXO PA REKLAMA!

SHKARKO APP

App Store
Google Play

Thellohen skandalet e Kryebashkiakut/ Veliaj po krijon monopolin e radhës

30 Korrik 2018, 11:11, Aktualitet CNA

Partia ZGJIDHJA, e Koço Kokëdhimës i ka drejtuar akuza të forta sot kryebashkiakut të Tiranës, Erion Veliaj.

Në një deklaratë për mediat, ZGJIDHJA shprehet se Veliaj po krijon monopolin e aboneve të transportit urban.

?Pronarët e kioskave që prej vitesh operojnë në kryeqytet, duke tregtuar, mes të tjerash, edhe abonetë e transportit urban, prej disa kohësh janë privuar, me një urdhër të Erjon Veliajt, i cili ka vendosur që këto t?i tregtojnë vetëm kioskat e reja të licensuara prej tij.?-thuhet më tej në deklaratë.

Deklarata e plotë:

Deklaratë shtypi e partisë ZGJIDHJA

Veliaj po krijon monopolin e aboneve të transportit urban

Bashkia e Tiranës  është vënë në shërbim të klientëve të saj, duke përjashtuar nga gara e ndershme dhe lënë pa bukën e gojës bizneset e vogla në Tiranë. Pronarët e kioskave që prej vitesh operojnë në kryeqytet, duke tregtuar, mes të tjerash, edhe abonetë e transportit urban, prej disa kohësh janë privuar, me një urdhër të Erjon Veliajt, i cili ka vendosur që këto t?i tregtojnë vetëm kioskat e reja të licensuara prej tij. Disa pronarë kioskash denoncuan pranë partisë ZGJIDHJA, se vendimi i Veliajt është marrë për të rritur fitimet e biznesit të mbi 60 kioskave të klientëve të tij, duke hequr tregtimin e aboneve nga të gjithë të tjerët, për ta monopolizuar në një dorë të vetme.

Pas vendimit për të mos i legalizuar kioskat që operojnë prej vitesh në Tiranë, tregtarët e vegjël thonë se kjo është lëvizja e radhës që i falimenton, për t?i hapur rrugë monopolit të Veliajt. Ata thanë se do të rikthehen sërish në protesta.

ZGJIDHJA paralajmëron bashkinë e Tiranës që të heqë dorë nga këto praktika shkatërrimtare dhe kundër lirisë së tregut, tipike klienteliste dhe të lërë të qetë tregtarët e vegjël taksapagues prej vitesh, që të ushqejnë me bukë familjet e tyre.

ZGJIDHJA garanton se do të jetë në krye të protestës së qytetarëve të ndershëm kundër këtij pushteti të korruptuar deri në palcë që çdo gjë e bën për klientët e vet në biznes./ CNA.al





Lajmet e fundit nga