Që nga e mërkura jemi në borxh!

30 Korrik 2018, 10:24, Aktualitet CNA

Zagreb ? Të mërkurën me 1 Korrik bota do të hyjë në borxhin ekologjik kështu kanë
paralajmëruar Global Footprint Network (GFN). Dita e borxhit ekologjik është ajo ditë kur
kërkesat e njerëzimit ndaj natyrës tejkalojnë mundësinë e ekosistemeve të tokës që të
rinovohen brenda një viti.

Këtë vit kjo ditë mbahet më herët prej se bëhen matjet (në vitin 1997 ka qenë në Shtator)
dhe në mënyrë simbolike tregon ndikimin e aktiviteteve të njeriut në natyrë. Sipas GFN-së
për nevojat aktuale të njerëzimit nevojiten 1,7 planetë që të kemi burime te mjaftueshme
natyrore për te përkrahur aktivitetet e njerëzve.

“Fakti se kjo ditë çdo vit shtyhet përpara tregon se ne ende nuk sillemi me përgjegjësi ndaj
planetit tonë! Jemi duke jetuar nga huaja qe po e marrim nga ardhmëria e fëmijëve tonë,? tha
Deni Porej drejtor i WWF Adria. ?Sipas Raportit për gjendjen e planetit të gjitha vendet në
regjionin tonë jetojnë mbi kapacitetet natyrore të tyre. Kjo dëshmohet edhe nga dëshmitë e
GFN-së për ndikimin ekologjik, qe bën matjet në hektarët global (ghe). Kjo është njësi për
matjen e kërkesave tona ndaj Tokës (ndikimin ekologjik) dhe mundësitë e Tokës që të ofroje
këto kapacitete (biokapaciteti). Sipas këtyre të dhënave Sllovenia udhëheq ne regjionin tonë
e cila hyn në borxhin ekologjik me 12 maj, pason Kroacia me 19 Qershor, Mali i Zi me 29
Qershor, Bosnja dhe Hercegovina me 6 Korrik, Maqedonia me 19 Korrik, Serbia 30 Korrik, si
dhe e fundit hyn Shqipëria me 14 Tetor,? tha Porej.

Borxhi ekologjik është i mundur në një kohë të kufizuar para se baza e natyrës për
mbijetesën e njerëzve të fillojë të degradohet dhe ne fund të shkatërrohet plotësisht. Duke
pasur parasysh se nevojat tona janë duke tejkaluar mundësinë e planetit tonë që të
rigjenerohet, në çka ndikim shtesë kanë edhe ndryshimet klimatike, pra Dita e borxhit
ekologjik është përkujtues i fuqishëm që ne individualisht si dhe shtetet duhet të ndërmarrin
veprime te menjëhershme për mbrojtjen e pyjeve, oqeaneve, ujerave të ëmbla, botës bimore
dhe shtazore. Se si mund të ndryshoni ndikimin tuaj në natyrë mund të gjeni në faqen e
GFN-se dhe WWF Adria.