E fundit!

18:24 Aktualitet

Nis protesta e gjashtë në Tiranë kundër qeverisë

Mbahet ditën e sotme protesta e radhës kundër qeverisë në ...

Ligji për Magjistraturën/ Vasili flet për negociata

30 Korrik 2018, 14:14, Aktualitet CNA

Kryetari i grupit të LSI, Petrit Vasili ishte i ftuar në studion e Report Tv për të diskutuar për aktualitetin politik dhe skenarin e opozitës së bashkuar në sesionin e ri parlamentar në muajin shtator.

Duke u rikthyer te debati për ligjin e magjistratëve që nuk u pranua që të votohej nga opozita dhe që u shty në shtator, Vasili zbuloi se ka pasur kontakte nga faktori ndërkombëtar, që u ka sugjeruar që ta votojnë. Vasili shtoi se edhe ndërkombëtarët u tërhoqën, pasi sipas tij panë mungesën e seriozitetit nga PS për afatin e ligjit.

Pjesë nga intervista

Sa gjasa kishte që LSI të jepte votat për magjistratët?

Mundësia për ta votuar ishte zero. PD ka pasur vërejtje të sakta për 7 ligjet, por ne menduam se do të zgjidhen. Kemi kandidatë për KLGJ dhe KLP që nuk janë integritet. Të gjitha ligjet, edhe financimi vettingut, 40% qeveria e këputi.

A u është kërkuar nga PS që ta votoni?

Nuk ka pasur asnjë negociatë zyrtare, pasi ka pasur nga faktori ndërkombëtar kontakt me LSI, është sugjeruar, por u ndërprenë nga vetë ndërkombëtarët kur panë mungesën e seriozitetit nga PS. PS nuk ka qenë kurrë serioze, por as me ndërkombëtarët, humbi edhe besimin e tyre. PS papërgjegjshmëri dhe halabakllëk.

Çfarë pritet të ndodhë në shtator dhe koalicioni me PD?

Ne jemi në një front të përbashkët opozitar. PD na ka kritikuar ne? Po PS nuk na kritikuar ne, edhe ne i kemi kritikuar të dyja.

Në shtator do të jeni pjesë e parlamentit dhe komisioneve?

Ne nuk kemi bojkotuar parlamentin asnjëherë. Parlamenti dhe vendin që kemi, nuk na e ka dhënë qeveria, por populli. Në shtator do të kemi një debat në parlament dhe jashtë tij për cështjen e grabitjes së teatrit. Fatin e Tiranës nuk e zgjidh as ky dhe as tjetri. Ky kryetar do të mbahet mend si kryetar i ditëve të zeza.

Në shtator do të zgjidhim pa asnjë kompromis, do të ketë përgjigje të rreptë dhe të egër, që kërkush, qoftë ky kryeministër i marrosur, apo kryetar bashkie budalla. Do të ketë një barrikadë të kapërcyeshme, do të ketë një qendrës që nuk është parë më parë.