web counter
LEXO PA REKLAMA!

SHKARKO APP

App Store
Google Play

E fundit!

x

Super-Ministri/ “Fatmir Xhafaj në krye të Prokurorisë së Përgjithshme”

29 Korrik 2018, 09:48, Aktualitet CNA

Fatmir Xhafaj, zyrtarisht është Ministër i Brendshëm, por praktikisht ai udhëheq edhe institucione të tjera të rëndëishme në vend.

?Tentakulat? e tij, Xhafaj i ka shtrirë në Ministrinë e Drejtësisë, në Prokurorinë e Përgjithshme, në Prokurorinë për Krime të Rënda, por edhe në Shkollën e Magjistraturës.

Kështu Xhafaj, përveçse drejton Ministrinë e Brendshme, drejton dhe një sërë institucionesh, ku merr vendime, për emërime, shkarkime e të tjera.

Thënë më qartë, Xhafaj bën punën e Ministrit të Drejtësisë, punën e Prokurorit të Përgjithshëm të Shtetit, kryeprokurorit të Krimeve të Rënda dhe të Drejtorit të Shkollës së Magjistraturës.

Nga zyra e Ministrisë së Brendshme, Xhafaj  ka  marrë në dorë  fatin e këtyre institucioneve, duke emëruar, shkarkuar dhe duke marrë vendime të rëndësishme që lidhen me këto dikastere.

Drejtuesit e këtyre institucioneve janë thjesht marioneta në duart e Xhafajt, që i thërret kur të dojë dhe në çdo kohë.

Me herët, CNA.al ka publikuar më herët një raport, që hidhte dritë mbi mënyrën se si Xhafaj e drejtonte Ministrinë e Drejtësisë.

Sipas raportit të dalë nga inspektimet, emërimet në Ministrinë e Drejtësisë, janë bërë sipas lidhjeve shoqërore, miqësore, klanore dhe  partiake.

Lidhur me ndryshimet në stafin e Ministrisë së Drejtësisë sigurisht këtu me bekimin e Fatmir Xhafës, ka ndryshuar  struktura e Ministrisë dhe me pretekstin e ndryshimit të emërtimeve, janë shkarkuar nga detyra 10 punonjës të stafit.

Megjithëse në ministri ka vende vakante, ministrja Etilda Gjonaj,  në kundërshtim me ligjin dhe në kufijtë e shpërdorimit të detyrës është e gatshme të paguaj dëmshpërblime për punonjësit e pasistemuar nga lekët e taksapaguesve shqiptarë në shumën mbi 100 milion lekë, vetëm e vetëm që këta persona të mos jenë më pjesë e Ministrisë së Drejtësisë.

?Shkarkimet nga detyra përveçse në kundërshtim me ligjin janë kryer edhe me porosi politike?, saktësohet më tej në raport.

Në të njëjtën mënyrë Xhafaj, duket se po vepron dhe me institucionet e tjera.

Më 10 janar 2018, Fatmir Xhafaj nuk ka pasur nevojë të lëvizë nga Ministria e Brendshme, për të takuar Arta Markun.
Prokurorja e Përgjithshme e Përkohshme, zbarkoi me urgjencë në  zyrën e Fatmir Xhafajt, ku qëndruan ?kokë më kokë?, përreth 45 minuta.

Menjëherë pas këtij takimi, nisi vala e shkarkimeve, dhe e zëvendësimeve në prokurori, duke bërë kështu që organi i akuzës të përfshihej në kaos.

Për më tepër u hodh alarmi se Markut iu dhanë udhëzime për mbyllje të dosjeve të korrupsionit të politikanëve të ndryshëm.

Nuk vonoi shumë dhe në organin e akuzës në Prokurorinë për Krime të Rënda, iu pre ?koka? drejtuesit Besim Hajdarmataj, për tu zëvendësuar me Donika Prelën.

Me këtë lëvizje dyshohet se Xhafaj ka kapur edhe Prokurorinë për Krime të Rënda.

Një tjetër institucion që dyshohet se është i kapur prej Xhafaj, është është edhe Shkolla e Magjustraturës e cila drejtohet nga Sokol Sadushi.

Ky i fundit, është cilësuar edhe si një as nën mëngë i kryeministrit Rama, por që dyshohet se përdoret edhe nga Ministri i Brendshëm Fatmir Xhafaj.

Sadushi, i cili ende nuk ka kaluar Vettingun,  është në  krye të shkollës së Magjistraturës nga viti 2014. Ai ka një eksperiencë të gjatë si prokuror, avokat dhe më pas anëtar i Gjykatës Kushtetuese./CNA.al





Lajmet e fundit nga