E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ligji për emërimin e gjyqtarëve dhe prokurorëve/ Zbulohet skema e Ramës

25 Korrik 2018, 20:22, Aktualitet CNA

Kryetari i opozitës, Lulzim Basha ka sulmuar Kryeministrin, Edi Rama për ndryshimet e propozuara në ligjin për statusin e gjyqtarëve dhe prokurorëve.

Sipas Bashës, propozimi që emërimet e gjyqtarëve dhe prokurovë të bëhen nga Prokurorja e Përgjithshme e Përkohshme dhe KLD-ja e vjetër, është një shkelje e hapur e Kushtetutës dhe na kthen në institucionet e vjetra përpara reformës në drejtësi.

Basha shton më tej se qëllimi i Ramës është kapja totale e drejtësisë përmes Arta Markut dhe KLD-së.

Ndër të tjera kreu i PD ka thënë, se Rama përgjysmoi para një viti buxhetin dhe burimet për Vettingun për të zvarritur krijimin e KLGJ dhe KLP.

Në fund Basha ka sulmuar edhe ndërkombëtarët, të cilët sipas tij kanë ulur besimin në sytë e publikut shqiptar, pas heshtjes ndaj kësaj gjëndjeje.

Postimi i plotë

Ndryshimet e propozuara nga Edi Rama të Ligjit për Statusin e Gjyqtarëve dhe Prokurorëve sanksionojnë që emërimet e të sapodiplomuarve në sistemin e prokurorisë dhe të gjyqësorit të bëhen nga PPP- Prokurorja e Përgjithshme e Përkohshme dhe KLD-ja e vjetër. Ky propozim është shkelje e hapur e Kushtetutës dhe kthim tek institucionet e vjetra që kishim para reformës në drejtësi.

Kjo shkelje e Kushtetutës bëhet në një kohë kur Gjykata Kushtetuese është shpërbërë dhe sistemi kushtetues në Shqipëri është i goditur rëndë. Qëllimi i këtij propozimi është kapja totale e drejtësisë nga Edi Rama përmes Arta Markut dhe KLD-së.

Prandaj Edi Rama i përgjysmoi para një viti buxhetin dhe burimet për vetingun, qëllimisht për të zvarritur vetingun dhe për të mos krijuar KLP-në, KLGJ-në dhe SPAK.

Partnerët ndërkombëtarë duhet të shqetësohen për mungesën e Gjykatës Kushtetuese dhe bllokimin e Gjykatës së Lartë nga Edi Rama, çka ka hequr çdo lloj kontrolli dhe kufizimi të pushtetit të shumicës dhe ka vënë në rrezik të drejtat e njeriut në Shqipëri. Heshtja e tyre ndaj kësaj gjendje ka ulur besueshmërinë e tyre në sytë e publikut shqiptar, i cili pret përmbushjen e premtimit që ata i bënë shqiptarëve se peshqit e mëdhenj do ishin në burg dhe jo në krye të qeverisë. Drejtësia pa të korruptuar dhe kriminelë në burg është tallje dhe jo drejtësi. /CNA.al