web counter
LEXO PA REKLAMA!

SHKARKO APP

App Store
Google Play

E fundit!

x

Basha “sulmon’ Top Channel

25 Korrik 2018, 19:56, Aktualitet CNA

Partia Demokratike ka reaguar ashpër sot, kundër pronares së Top Channel Vjollca Hoxha dhe Drejtorit të Përgjithshëm Ben Blushi.

Sipas PD ?së Top Channel nuk ka transmetuar aktivitetet dhe deklaratat e Opozitës.

?Televizioni Kombëtar Top Channel shënoi sot një rekord  sa imoral, aq edhe joligjor, duke çensuruar plotësisht opozitën dhe duke mos transmetuar asnjë sekondë nga aktiviteti i Partisë Demokratike.

Kjo linjë editoriale bie në kundërshtim me parimet kryesore të gazetarisë për informimin e pavarur të publikut, si dhe me ligjet në fuqi për operatorët televizivë?, thuhet në reagimin e PD ?së.

Sipas selisë blu, Ligji për median audiovizive e ndalon televizionin kombëtar Top Channel që, pronën publike, në këtë rast frekuencën kombëtare, ta trajtojë si një dyqan privat që perzgjedh mallin për shitje.

?Ligji e detyron Top Channel dhe çdo televizion tjetër të transmetojë lajmet me vërtetësi dhe të sigurojë që trajtimi i çështjeve me interes publik të jetë i drejtë për subjektet e interesuara?, thuhet më tej në reagimin e PD ?së.

Më tej Selia Blu, e drejtuar nga Lulzim Basha, është ndalur tek rastet konkrete që sipas tyre ka censuruar Top Channel.

?Qëndrimi i opozitës për klimën armiqësore ndaj biznesit, për  zhbërjen e reformës në drejtësi nga Edi Rama dhe kthimin e  vettingut në proces politik që konfirmon gjyqtarë të korruptuar dhe në shërbim të Edi Ramës, siç ishte sot rasti i Ardian Dvoranit, janë çështje me interes shumë të lartë publik, por të çensuruar nga televizioni kombëtar Top Channel?, konstaton PD.

Në këto rrethana, Partia Demokratike u ka bërë thirrje institucioneve ndërkombëtare ta shënojne çensurën e opozitës nga Top Channel si një rekord flagrant të një mediaje të kapur, që i shërben interesave personale të drejtuesve të saj dhe të qeverisë.

?Partia Demokratike i bën thirrje mbështetësve të saj dhe qytetarëve, që duan të informohen me vërtetësi, të bojkotojnë Top Channel, si televizion që, në shkelje flagrante të licensës kombëtare, nuk i shërben interesit publik?, përfundon reagim Partia Demokratike./CNA.al

 





Lajmet e fundit nga