web counter
LEXO PA REKLAMA!

SHKARKO APP

App Store
Google Play

E fundit!

x

"Ngërçi" në Gjykatën e Lartë/ Mbeten të bllokuara 26 500 çështje gjyqësore

25 Korrik 2018, 18:56, Aktualitet CNA

Ftuesi i Gjykatës së Lartë nuk e hap derën për të bërë gati arenën ku do të duhej të mblidhen gjyqtarët supremë për të dhënë drejtësi.

Të hapura janë vetëm zyrat e gjyqtarëve që kanë mbetur në detyrë. Sallat janë mbyllur me çelës.

Kolegjet penale nuk funksionojnë më, përsa kohë dy gjyqtarët Artan Zeneli e Tom Ndreca u shkarkuan. Kolegji Penal ka mbetur me vetëm një anëtar, që është Edmond Islamaj.

Lista e proceseve penale të anuluara apo të shtyra pa afat është e gjatë. Korridoret janë bosh, nuk ka as avokatë, as palë që presin procese. Zëdhënësja na shoqëron drejt ambientit me solemn të Gjykatës së Lartë, tek i cili fillimisht zhytemi në errësirë.

Në një situatë normale dhe bindjeje ndaj ligjit, Gjykata e Lartë duhet të kishte 19 anëtarë. Por tashmë janë 6 anëtarë, prej të cilëve kanë fituar 3 anëtarë garën e vetting-ut dhe tre të tjerë presin.

Në mes të asgjësë ka mbetur edhe lutja e Nënë Terezës drejtuar gjyqtarëve për të dëgjuar e thënë të vërtetën sepse ata që kaluan vetting-un do t?u duhet të mblidhen në dhomat e këshillimit për të vendosur për çështje emergjente si masat e sigurimit apo urdhrat e ekzekutimit.

Tre të tjerët që po presin kanë përpara sfidën e vetting-ut.

Por e gjitha kjo përkthehet në një situatë ku stoku i dosjeve dhe i qytetarëve në Gjykatën e Lartë shtohet përditë. Brenda një muaji, fluksi është rritur në 26 500 çështje të pashqyrtuara ende. Por, edhe vjeshta do të jetë akoma më e vështirë për ata që do të kërkojnë drejtësi. Sepse plotësimi i këtyre karrigeve do të vijë vetëm pasi drejtësia të ketë qeverinë e saj, Këshillin e Lartë Gjyqësor dhe Këshillin e Lartë të Prokurorisë. /TCH





Lajmet e fundit nga