web counter
LEXO PA REKLAMA!

SHKARKO APP

App Store
Google Play

Reforma në drejtësi/ Çon kunatin e Xhafës në Gjykatën Europiane

25 Korrik 2018, 17:22, Aktualitet CNA

Pas dy refuzimesh Qeveria shqiptare ka çuar sërish kandidaturën e  Sokol Berberit për në Gjykatën Ndërkombëtare të Drejtave të Njeriut.

Në fakt ishte tre kandidatura, por që dy ishin të reja, dhe Berberi ishte një kandidaturë e refuzuar më herët.

Kujtojmë se Sokol Berberi është refuzuar dy herë nga Këshilli i Europës.

Komisioni i GJEDNJ në prill të këtij viti i ktheu përgjigje negative Shqipërisë për kandidaturën e Berberit, por emri i tij u dërguar.

?Jo të gjithë emrat janë mjaft mirë të kualifikuar?, thuhej në përgjigjen e refuzimit. Edhe më herët në shtator 2016 janë rrëzuar tre kandidaturat, ndërmjet tyre edhe Berberi për në Gjykatën e Strasburgut.

Por Berberi nuk është një kandidaturë dosido. Ai është kunati i Ministrit të Brendshëm Fatmir Xhafaj. Për kunetërit e politikës, sado që të jenë përfshirë në zullume ose jo, gjithnjë gjendet një vend.

Kështu, që Rama ka menduar që ta shpërblejë kunatin e Xhafës, duke ia dërguar emrin për herë të tretë, si një  nga kandidatët më të preferuar për në Gjykatën e Strasburgut.

Sokol Berberi ka qenë gjyqtar i Kushtetueses deri pak muaj më parë, kur dha dorëheqjen pasi ishte kundër rrëzimit të ligjit të Vetingut, duke dalë kështu pro Partisë Socialiste./CNA.al

 

 





Lajmet e fundit nga