web counter
LEXO PA REKLAMA!

SHKARKO APP

App Store
Google Play

E fundit!

x

Prej 13 vitesh në kërkim/ Ekstradohet kosovari që tentoi të vrasë Lulzim Berishën

20 Korrik 2018, 08:36, Aktualitet CNA

Një shtetas kosovar është ekstraduar nga Interpol Tirana pasi ishte dënuar me 20 vite burg për “Vrasje me paramendim”.

Ahmet Ajeti , 35 vjeç, lindur në Lipjan ka tentuar të vrasë në 2005-ën në një lokal në Durrës, Lulzim Berishën, ish-kreu i Bandës së Durrësit dhe një personazh mjaft i njohur i botës së krimit. Ngjarja e 13 viteve më parë ishte rrjedhë e përplasjes mes bandave në qytetin bregdetar.

Policia sqaron se më datë 30.08.2005, Ahmet Ajeti dhe O. K. të porositur nga E. D. dhe A.C., kanë shkuar nga Tirana në Durrës për të vrarë Lul Berishën. Plani dështoi pasi Ajeti u konfliktua me disa persona të tjerë pranë lokalit ku ishte objektivi dhe për rrjedhojë mbeti i plagosur.

Njoftimi i policisë dhe dinamika e ngjarjes:

Nga Specialistët e Interpol Tirana u krye ekstradimi nga Kosova drejt vendit tonë, i shtetasit, Kosovar, Ahmet Ajeti , 35 vjeç, lindur në Lipjan/ Kosovë.

Përmbledhje e ngjarjes së ndodhur:

Më datë 30.08.2005, shtetasit Ahmet Ajeti dhe O. K. të porositur nga shtetasit E. D. dhe A.C., kanë shkuar nga Tirana në Durrës për të vrarë shtetasin L. B.. Para se të kryhej atentati në afërsi të lokalit ku ndodhej L. B., shtetasi Ahmet Ajeti është konfliktuar me disa persona të panjohur dhe në grindje e sipër ka nxjerrë pistoletën është vetplagosur.

Shtetasi Ahmet Ajeti është shpallur në kërkim ndërkombëtar nga Interpol Tirana më datë, 07.03.2016, pasi Gjykata e Shkallës së Parë për Krimet e Rënda, Tiranë, me vendimin nr. 01 datë 16.01.2012, e ka dënuar me 20 vjet burg për veprën penale “Vrasje me paramendim”, dhe ?Armëmbajtje pa leje? .

Si rezultat i bashkëpunimit të Interpol Tirana me Policinë e Kosovës, u bë i mundur arrestimi i tij në Kosovë, duke u finalizuar me ekstradimin e tij drejt vendit tonë.

 





Lajmet e fundit nga