web counter
LEXO PA REKLAMA!

SHKARKO APP

App Store
Google Play

E fundit!

x

Vjollca Hoxha zgjedh të qëndrojë me Blushin/ Vajzat i dalin kundër për herë të parë

20 Korrik 2018, 08:17, Aktualitet CNA

Për çdo ditë në ?kazanin? e madh Top Channel gatuhet një seri tjetër telenovele. Ashtu siç kemi raportuar edhe gjatë kesaj jave ujërat duket të jenë trazuar shumë, duke krijuar një turbullimë të madhe.

Konflikti i dhëndrit të Vjollca Hoxhës dhe njëkohësisht moderatorit kryesor të Top Channel me zv/drejtorin dhe njëkohësisht njeriun më të besuar të Ben Blushit është thelluar edhe në shumë.

Ledionit iu hoq e drejta që të vazhdonte me programin e tij ?The Voice Kids?, pasi televizioni nuk po e mbështeste financiarisht (stafi i papaguar prej 3 muajsh) dhe në keto kushte Ledioni reagoi ashpër, duke menduar dhe largimin. Vjollca Hoxha ndërhyri dhe siç e ka parë edhe stafi u kërkua pezullimi i zv/drejtorit Bjorn Xhakaxhiu. Nëpër korridoret e Top Channel (amplifikuar edhe nga stafi i ngushtë i Ledion Liços) qarkulluan zërat, se vendin e zv/drejtorit do ta bënte vetë Ledion Liço.

Kjo situatë nuk është pranuar nga Blushi me cilësinë e Drejtorit të Përgjithshëm dhe menjëherë ai ka kërkuar rikthimin në detyrë të njeriut të tij më të besuar. Nga burime konfidenciale thuhet, se ai ka rritur presionin ndaj administratores Vjollca Hoxha, duke i kujtuar asaj kontratën, e cila siç dhe është bërë e ditur e vë me shpatulla pas murit Vjollca Hoxhën dhe i jep Blushit kompetenca të plota.

Por, ndërsa Vjollca Hoxha i bindet kontratës që ka me Ben Blushin (për më tepër me bashkëshorten e Blushit e cila është këshilltarja e saj më e afërt dhe njeriu që ka ideuar të gjithë këtë skenar) një revoltë është ngritur edhe në shtëpi.

Vajza e dytë Sara Hoxha ka dalë në krah të babait të fëmijës së saj dhe burrit të saj të ardhshëm (dasma zhvillohet në Liqenin e Komos në Itali nga data 9-12 gusht),duke i kërkuar nënës së saj, Vjollca Hoxhës të reagojë përballë kësaj situate.

Vjollca ka bërë indiferenten si në të gjitha rastet e tjera kur i janë raportuar lëvizje aspak të mira brenda Top Channel. Por, me Sarën duket se së fundmi është bashkuar edhe Lori Hoxha, e cila me gjithë dëshirën e saj të madhe për të drejtuar apo dhënë ide për Top Channel, po bën gjënë e vetme për të cilën ajo ka talent në këtë jetë: të bëjë pushime.

Bashkë me Lorin e Sarën është bashkuar dhe vajza e tretë Redia që ashtu si motrat dhe vëllai i tyre kanë kuotë të barabartë aksionesh në Top Channel.

Blushi nga ana tjetër nuk tërhiqet dhe ashtu siç vendos gjoba e bën presion ndaj gjyqtarëve, prokurorëve dhe biznesmeneve, po me presion po komandon dhe familjen Hoxha, që gjithnjë e më shumë po e humbet Top Channel.

Vjollca Hoxha po kalon më shumë se kurrë më parë kohë në Kashar, me presionin e Blushit që i ka premtuar fitimin e gjyqit që ajo ka me aksionerët e mëparshëm dhe më pas shitjen definitive të televizionit, por edhe me zemërimin e fëmijëve që po u humbet një nga amanetet më të bukura që babai i tyre u ka lënë.

Shumë shpejt është edhe dasma e Sarës me Ledionin, që gjithashtu rrezikon të khehet në një dështim të madh. Nga 300 ftesa që janë nisur pjesa më e madhe kanë refuzuar dhe nuk bëhet fjalë vetëm politikanët dhe qeveritarët, por edhe për miq dhe punonjës të Top Channel, që kanë refuzuar të udhëtojnë drejt Komos.

Pak ditë më parë me urdhër të Ben Blushit është shkarkuar nga detyra një prej kameramanëve më të vjetër të Top Channel, i cili ndër të tjera është edhe kameramani i dasmës së Sarës. Telenovela vazhdon, por jo në ekran…/CNA.al

 





Lajmet e fundit nga