web counter
LEXO PA REKLAMA!

SHKARKO APP

App Store
Google Play

E fundit!

x

Italia zbulon mashtrimin e Edi Ramës

12 Korrik 2018, 10:49, Aktualitet CNA

Deputeti i Partisë Demokratike Genc Strazimiri gjatë konferencës së mbajtur para mediave tregon se Italia ka zbuluar mashtrimin e Edi Ramës.

Strazimiri shprehet se raporti i antidrogës italiane për vitin 2017 ka provuar zyrtarisht se Edi Rama ka mashtruar shqiptarët, Europën dhe Shtetet e Bashkuara të Amerikës, kur shpalli vitin e kaluar se qeveria e tij e ka hequr Shqipërinë nga harta e kultivimit të kanabisit.

Por konkluzioni i antidrogës italiane se ?Shqipëria është vendi i origjinës së shumicës së sasive të marijuanës me destinacion tregjet italiane dhe evropiane?, si dhe konkluzioni se ?trendi i dyfishinit të konfiskimeve vjen nga droga e kutivuar në Shqipëri?, tregon se mbështetja politike për organizatat kriminale të kultivitimit dhe trafikimit të drogës në Shqipëri është rritur para dhe pas zgjedhjeve të qershorit të kaluar, thekson ndër të tjera deputeti i partisë demokratike.

Raportin e antidrogës italiane, që konfirmon se grupet kriminale shqiptare kanë dalë në pah edhe për trafikun e kokainës, nuk e ka shkruar Partia Demokratike, por raporti konfirmon të vërtetën që Partia Demokratike po u thotë shqiptarëve prej më shumë se 10 muajsh, Strazimiri thote se nga kanabisi është kaluar tek kokaina dhe se qeveria e Edi Ramës është garant për paprekshmërinë e bosëve të drogës në Shqipëri.

?3.4 milionë euro me Toyota Yaris nuk janë rastësi. 618 kg kokainë apo 180 milionë euro në Portin e Durrësit nuk janë rastësi. Moskapja e bosëve të drogës në të dy rastet nuk është rastësi. 

Prandaj nuk është rastësi mashtrimi i Ramës për shpalljen e fitores së luftës kundër kanabisit dhe heqjen e Shqipërisë nga harta e kultivimit të kanabisit.  E vërteta është se Edi Rama e ka hequr Shqipërinë nga harta e vendeve anëtarë të Bashkimit Europian. ? shprehet Strazimiri.

Kultivimi dhe trafikimi i drogës, sipas Strazimirit dhe pastrimi i parave të pista nga organizatat kriminale me mbështetje qeveritare janë dy nga arsyet kryesore pse Shqipërisë nuk iu hapën negociatat. Dhe as kanë për të na u hapur në 2019-ën, sepse Edi Rama është përfituesi kryesor i parave nga kultivimi dhe trafikimi i drogës, është forca e krimit, që bën prej 5 vjetësh ligjin në Shqipëri./CNA.al

 





Lajmet e fundit nga