E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Shpërndanin lëndë narkotike/ Në pranga tri persona

12 Korrik 2018, 07:17, Aktualitet CNA

Policia e Tiranës ka vënë në pranga tri persona nën akuzën se shpërndanin lëndë narkotike.

Nga të dhënat e para mësohet se në pranga kanë rënë shtetasit Gersi Çeça, 28-vjeç, banues në Tiranë; Renaldo Dalipi, 25-vjeç, banues në Tiranë; Albian Avdo, 27-vjeç, banues në Tiranë.

Nën cilësinë e provës material policia ka sekuestruar 1 motorr picerie me të cilin të arrestuarit shpërndanin drogën dhe 3 celularë.

Njoftimi i plotë:

Tiranë

Operacion policor i koduar ?Pizza Porosi? nga Seksioni kundër Narkotikëve në bashkëpunim me Seksionin e Operacioneve Speciale dhe Kërkimit.

Arrestohen në flagrancë tre shtetas të cilët në bashkëpunim me njëri-tjetrin shpërndanin lëndë narkotike të llojit Kokainë.

Sekuestrohen lëndë narkotike, automjet, motorr, aparate celular dhe fishekë.

Specialistët e Seksionit për Hetimin e Narkotikëve në bashkëpunim me Seksionin e Operacioneve Speciale dhe Kërkimit në Drejtorinë Vendore të Policisë Tiranë në kuadër të operacionit policor të koduar ?Pizza Porosi? arrestuan shtetasit :

– G.Ç, 28 vjeç, banues në Tiranë

– R. D, 25 vjeç, banues në Tiranë

– A. A, 27 vjeç, banues në Tiranë

Për shtetasit e mësipërm disponohej informacion se në bashkëpunim me njëri-tjetrin shpërndanin lëndë narkotike të llojit Kokainë në zona të ndryshme të Tiranës dhe për të shmangur kontrollet e Policisë shpërndarjen e lëndës narkotike e kryenin me motorrin e picerisë ku punonin.

Nga Seksioni kundër Narkotikëve është orgnizuar puna për kapjen e tyre në flagrancë dhe më datë 11.07.2018, shtetasi R. D është konstatuar duke lëvizur në rrugën ?Gani Domi? me mjetin tip ?Audi? dhe gjatë kontrollit të ushtruar në mjet nga shërbimet e Policisë i është gjetur një qese me lëndë narkotike e dyshuar e llojit Kokainë.

Gjithashtu është ushtruar kontroll në picerinë ku të tre këta shtetas punonin ku dhe u bë ndalimi i dy bashkëpunëtorëve të tjerë (shtetasve G.Ç dhe A.A).

Janë sekuestruar në cilësinë e provës materiale :

– 200 gramë lëndë narkotike e dyshuar e llojit Kokainë
– Automjet tip ?Audi?
– Motori i Picerisë
– Tre aparate celular
– Fishekë

Materialet proceduriale iu referuan Prokurorisë së Rrethit Gjyqësor Tiranë për veprat penale ?Prodhim dhe shitje të lëndëve narkotike në bashkëpunim? dhe ?Mbajtja pa leje dhe prodhimi i armëve shpërthyese dhe i municioneve? parashikuara nga nenet 283/2 dhe 278/2, të Kodit Penal. / CNA.al