web counter
LEXO PA REKLAMA!

SHKARKO APP

App Store
Google Play

Kanosi punonjësin e OSHEE/ Arrestohet 44-vjeçari

11 Korrik 2018, 07:57, Aktualitet CNA

Policia e Fierit ka vënë në pranga një 44-vjeçar i cili ditën e djeshme kanosi rojën private të Drejtorisë së OSHEE-së.

Nga të dhënat mësohet se policia ka vënë në pranga shtetasin Sokol Gjika, 44 vjeç, banues në Fier, ndërsa i kanosuri është shtetasi M.H, 53-vjeç.

Bëhet e ditur se nga kontrolli i ushtruar në banesën e shtetasit Sokol Gjika, u gjet dhe u sekuestrua një sasi prej 4.5 gram lëndë narkotike (e ndarë në doza) e dyshuar Cannabis Sativa.

Njoftimi i plotë:

Specialistët për Hetimin e Narkotikëve në Drejtorinë Vendore të Policisë Fier, bënë arrestimin në flagrancë të shtetasit Sokol Gjika, 44 vjeç, banues në Fier.

Arrestimi i këtij shtetasi u bë pasi ka kundërshtuar dhe kanosur gjatë ushtrimit të detyrës shtetasin M.H., 53 vjeç, banues në Roskovec, me detyrë punonjës i Shërbimit Privat të Sigurisë Fizike në objektin e zyrave të Drejtorisë Rajonale OSHEE.

Nga kontrolli i ushtruar në banesën e shtetasit Sokol Gjika, u gjet dhe u sekuestrua një sasi prej 4.5 gram lëndë narkotike (e ndarë në doza) e dyshuar Cannabis Sativa.

Materialet i kaluan Prokurorisë pranë Gjykatës së Shkallës së Parë Fier për veprat penale ?Kanosja?, ?Kundërshtimi i punonjësit të policisë që kryen një detyrë shtetërore ose një shërbim publik? dhe ?Prodhimi dhe shitja e narkotikëve?. /CNA.al





Lajmet e fundit nga