web counter
LEXO PA REKLAMA!

SHKARKO APP

App Store
Google Play

Paralajmëron ish ambasadori/ "Trump mund ta nxjerrë Amerikën nga NATO"

10 Korrik 2018, 21:41, Aktualitet CNA

Presidenti Amerikan, Donald Trump, bashkë me udhëheqësit e tjerë të shteteve të aleancës, do të zbarkojë nesër në Bruksel, ku do të zhvillohet Samiti i vendeve të NATO-s.

Të gjithë janë në pritje të zhvillimeve të nesërme, ndërkohë ish ambasadori i Amerikës në Izrael, Dan Shapiro, ka paralajmëruar një skenar të frikshëm.

Në një postim në rrjetet sociale, Shapiro ka hedhur hipotezën, se Trump mund ta largojë Amerikën nga Nato.

?Shumëkush mund të thotë që po e teproj, dhashtë Zoti e unë e kam gabim, mirëpo do të ishim të çmendur nëse nuk e shohim këtë mundësi.Trump dëshiron ta tërheq SHBA-në nga NATO, ai nuk beson në aleancë, ai mendon që aleatët po përfitojnë prej nesh?, ka shkruar Shapiro, duke shtuar se raportet e Trump me Putin e bëjnë këtë skenar edhe më të mundshëm.

Në anën tjetër Trump edhe sot e ka vazhduar betejën verbale me aleatët e NATO-s, që sipas tij nuk po paguajnë sa duhet për aleancën.

Përveç se në Bruskel, Trump gjatë këtij turneu evropian do të vizitojë edhe Britaninë e Madhe, ku priten protesta të mëdha kundër tij. Pas vizitës në Britani ai do të takohet edhe me Presidentin rus, Vladimir Putin, në Helsinki të Finlandës. /CNA.al





Lajmet e fundit nga