web counter
LEXO PA REKLAMA!

SHKARKO APP

App Store
Google Play

Historia prekëse pas këtyre dy fotove të dhimbshme

10 Korrik 2018, 21:20, Aktualitet CNA

Një fotografe e njohur ka shpërndarë në internet fotot e të birit, i cili ishte i varur nga droga dhe ndërroi jetë në rrugë për shkak të overdozës.

Michelle Garcia tha se shpërndau gjerësisht fotot e të birit, Cali Mike Ayub, për të treguar spiralen e tmerrshme të varësisë që krijon droga dhe fundin fatal që kanë gati të gjithë përdoruesit e lëndëve narkotike.

Garcia tregon se e kishte lënë me të birin të takohej në një kafe muajin e shkuar, por kur mbërriti në lokal, e gjeti atë të shtrirë në shesh, me fytyrën e përplasur në rrugë, me bluzë të pistë dhe pa këpucë.

E shokuar nga ajo që pa, instiktivisht nisi t?i bënte foto të birit.

Përbri fotove të shpërndara në internet, Garcia shkroi:

Kjo më ka rënduar për një pjesë të madhe të kohës dhe ndjeva nevojën ta ndaj me ju. E pashë tim bir këtë mëngjes. Po më priste jashtë lokalit të kafes. Qava pasi e pashë ashtu. Duhej të kishte kaluar gjithë natën në rrugë. U ndjeva e tronditur nga ajo që më shfaqi jeta në atë moment. Zemra më është thyer. Qaj sa herë që bëj foto të tilla, por kjo ka qenë më e rënda që kam përjetuar”.
Garcia shton se i biri, i cili vuante nga skizofrenia dhe çrregullimet bipolare, krijoi varësi nga metadoni dhe heroina vitin e shkuar. Sipas tij, kokaina e nxirrte nga depresioni ku kishte rënë pas ndarjes nga e dashura.





Lajmet e fundit nga