E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Basha "dezertoi" Krimet e Rënda/ Balla: Do dal fitues ndaj gojë-përdalit

10 Korrik 2018, 17:39, Aktualitet CNA

Kreu i Grupit Parlamentar të Partisë Socialiste, Taulant Balla, ka përshëndetur vendimin e Gjykatës se Krimeve të rënda, për të vijuar gjykimin ndaj Lulzim Bashës.

Ky i fundit është akuzuar nga Balla për shpifje.

Kreu i Grupit të PS thotë, se procesi do të vijojë në Gjykatën e Tiranës.

Më tej Balla ka shprehur keqardhjen per akuzat e kreu të demokratëve ndaj gjykatës, për shpejtësinë e ndjekur në gjykim.

Deputeti socialist ka shtuar më tej, se Basha është tërhequr nga shpifjet dhe fyerjet dhe synon të mbrohet me procedura.

Ndër të tjera Balla është shprehur se do të dalë fitues ndaj kreu të demokratëve, të cilin e quan gojë përdalë.

Postimi i plotë

Edhe një herë e përshëndes vendimin e Gjykatës së Krimeve të Rënda Tiranë për vijimin e gjykimit në ngarkim të të akuzuarit për shpifje të rënda Lulzim Xhelal Basha. Sot Gjykata vendosi vijimin e gjykimit në godinën tjetër 10 metra më larg, atë të Gjykatës së Tiranës. Është për të ardhur keq që i akuzuari për shpifje përmes një deklaratë të partisë së tij akuzon Gjykatën për shpejtësinë e ndjekur në gjykim. Është shumë e rëndësishme të lexohet nga të gjithë dokumenti mbrojtës i të akuzuarit Lulzim Basha, në të cilin ai tashmë është tërhequr nga shpifjet dhe nga fyerjet, por synon të mbrohet me procedura. Nëse do të kishte qoftë edhe një provë të vetme për shpifjet duhet t?i përmendte në dokumentin e paraqitur. Si gjithmonë lulushi, një esadist tipik, as nuk bën dot një përballje dhe as nuk e çon deri në fund një betejë.

Sot u fsheh. Si gjithmonë.

Shumë shpejt vjen edhe data tjetër e përballjes në Gjykatën e Tiranës. Procesin e filluam në Gjykatën e Krimeve të Rënda për të ndjekur hapat juridikë në këtë proces, ku garantoj opinion publik që do të dal fitues ndaj gojë-përdalit Lulzim Basha.

Sqaroj gjithashtu se ndërmjet meje dhe Lulzim Bashës, ky është person i akuzuar me prova dhe me kallzim për çështjen në fjalë. Ke një kallzim në Prokurori Lulzim, nesër i shtohen edhe elementë të tjerë që fajësojnë penalisht.

Mos u fshih Lulzim! Bëje dhe ti një betejë në jetë! Mos prit të të falë gjithmonë Saliu karrige dhe mbrojtje politike. /CNA.al