web counter
LEXO PA REKLAMA!

SHKARKO APP

App Store
Google Play

“Ngërçi” në drejtësi/ Zef Brozi thirrje deputetëve: Miratoni ndryshimet në ligj

8 Korrik 2018, 20:14, Aktualitet CNA

Në seancën plenare të ditës së hënë në Parlament pritet të diskutohet projektligji për disa ndryshime në ligjin për statusin e prokurorëve dhe gjyqtarëve.

Ky ndryshim bëhet më qëllim që Shkollës së Magjistraturës ti krijohet një mundësi ligjore për të hapur dyert për kandidatët e rinj që do të zëvendësojnë prokurorët dhe gjyqtarët nxjerrë jashtë skemës së gjykimit nga Vetingu.

Miratimi i këtij projektligji, ndryshe nga herët e tjera kërkon 84 vota, nga 79 vota që ka mazhoranca.

Kjo do të jetë prova e opozitës së bashkuar. Dita e nëserme do të provojë cilët janë 5 deputetët që do të japin votën bashkangjitur qeverisë dhe do shprehin hapur flirtimin me mazhorancën.

Lidhur me këtë ish-kryetari i Gjykatës së Kasacionit Zef Brozi u bën thirrje deputetëve që ta votojnë projektligjin pa zvarritje. Sipas tij, vetëm ata deputetë e politikanë të inkriminuar që kanë frikë nga reforma në drejtësi duan të mos emërohen gjyqtarë e prokurorë brezi i ri i magjistratëve.

?U bëj apel të gjithë deputetëve që të miratojnë pa zvarritje e paragjykime ndryshimet e nevojshme ligjore për të mundësuar emërimet e magjistratëve të diplomuar dhe pranimet e reja në Shkollën e Magjistraturës. Vetëm ata deputetë e politikanë të inkriminuar që kanë frikë nga reforma në drejtësi duan të mos emërohen gjyqtar e prokuror brezi i ri i magjistrateve?, u shpreh Broci, në një prononcim për Report TV. /CNA.al





Lajmet e fundit nga