web counter
LEXO PA REKLAMA!

SHKARKO APP

App Store
Google Play

E fundit!

x

Plumb në kokë, shoferit të Xhafajt/ Zbardhen dëshmitë e familjarëve

2 Korrik 2018, 14:22, Aktualitet CNA

Dy ditë pas  ngjarjes së rëndë, ku i gjet i vdekur Shkëlzen Qordja, shoferi i Ministrit të Brendshëm, Fatmir Xhafaj,  grupi hetimor ka marrë në pyetje familjarët e të ndjerit, por edhe personelin e Gardës së Republikës, ku punonte prej marsit të 2017-s. Sipas dëshmive të kolegëve të 31-vjeçarit, në momentin që i riu vrau veten nuk u dëgjuan të shtëna.

Pas ngjarjes së ndodhur në ambientet e Gardës së Republikës të Shkëlzen Qordjas, grupi hetimor mori në pyetje familjarët e të ndjerit. Ata u shprehën se nuk kanë patur dijeni nëse Qordja ka pasur konflikte me persona të tjerë e, po kështu, sipas familjarëve, 31-vjeçari ishte njeri i mbyllur.

?E kemi parë ditët e fundit, por nuk kemi vënë re ndonjë shqetësim tek ai. Nuk mund të kemi një shpjegim pse ndodhi?, theksuan familjarët.

Ish-shoferi i ministrit të Brendshëm, Fatmir Xhafaj,  ka humbur jetën në rrethana misterioze. Sipas dëshmive të shokëve të ngushtë të Shkëlzen Qordjas, ai kishte festuar ditën që ndodhi krimi, deri në orën 06 të mëngjesit. Pas disa orësh, i riu u gjet i pajetë me një plumb në kokë brenda automjetit të tij në garazhin e Gardës së Republikës të mbyllur nga brenda.

Pavarësisht se grupi hetimor ka sekuestruar kamerat e sigurisë së ambienteve të Gardës, përsëri në vendin, ku 31-vjeçari u gjet i vdekur  nuk ka kamera sigurie. Sipas dëshmive të efektivëve të gardës, që ishin në detyrë mesditën e 30 qershorit, ata nuk kishin dëgjuar të shtëna me armë zjarri, gjë që do të përcaktonte saktë edhe momentin e kryerjes së aktit nga i riu, raporton “ABC news”.

Sipas ekspertizës mjeko-ligjore, Qordja u vetëqëllua në pjesën e djathtë të kokës dhe plumbi i ka shkaktuar dëmtime të shumta në kokë, ndërsa në automjet u gjendën tre gëzhoja. Prokuroria ka sekuestruar edhe telefonin e Shkëlzen Qordjas për të zbuluar komunikimet e fundit që 31-vjeçari kishte pasur pak çaste para se të ndodhte ngjarja.





Lajmet e fundit nga