web counter
LEXO PA REKLAMA!

SHKARKO APP

App Store
Google Play

E fundit!

x

Prishja e Teatrit Kombëtar/ Aktorët kundër, protestë dhe peticion(Foto)

29 Qershor 2018, 18:54, Aktualitet CNA

Ndonëse makineria mediatike e Lali Erit ka ditë që po propogandon rënien dakort me artistët për prishjen e Teatrit Kombëtar dhe ngritjen në vend të tij të një teatri të ri, realiteti tregon se kundërshtitë ende nuk janë fashitur. Sepse pikërisht mbrëmjen e sotme aktorët e paqenë dakort me projektin e Qeverisë Rama dhe Bashkisë Veliaj, janë mblodhur sërish në protestë, duke ripërsëritur idetë e njohura tashmë për mosprishjen e godinës historike. Por edhe duke përsëritur vijimësinë e protestës deri në tërheqjen e dy mbrojtësve të projektit të teatrit të ri, Rama-Veliaj. Madje, si e re e protestës së mbrëmjes së sotme, krahas fjalimeve, është lajmëruar dhe firmosja e një peticioni për të kundërshtuar shembjen e godinës së teatrit.

Firmëtar nuk do jenë vetëm aktorë e artistë por edhe qytetarët e zakontë të cilët janë dakort me ruajtjen e Teatrit të vjetër Kombëtar. Për të firmosur peticionin mjafton të kesh një kartë identiteti. Sipas organizatorëve të protestës qëllimi i peticionit është të hedhë poshtë ligjin e miratur në Kuvend vetëm me votat e deputetëve të maxhorancës që I kanë ndezur dritën jeshile rrafshimit të godinës historike të Teatrit Kombëtarë dhe ngritjen në vend të tij të një ndërtese të re./CNA.al





Lajmet e fundit nga