E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Bashkia "me dy fytyra" përfshihet në skandalin e radhës

29 Qershor 2018, 16:40, Aktualitet CNA

Prej disa ditësh, medie të afërta me pushtetin, kanë proklamuar vendimin e ri të Bashkisë dhe Ministrisë së Transporteve, për ndryshimet në abonetë e udhëtimit urban.

Nga data 1 korrik, nuk do të pranohen më abonetë nëse ato nuk do të përmbajnë fotografinë e mbajtësit dhe identitetin e tij. Në lajmet e publikuara thuhet se qytetarët që duan të pajisen me abone duhet të kenë kartën e identitetit me vete dhe një fotografi në momnetin që duan të blejnë abone, në të kundërt nuk do të mund të pajise. Këtë masë Bashkia dhe Ministria e arsyeton si përpjekje për të moslejuar falsifikimet.

Por çfarë ndodh?

Bashkia e Tiranës, pas rritjes së çmimit të biletës dhe aboneve, u zotua për përmirësim të transportit qytetas, por asgjë e tillë nuk ka ndodhur. Qytetarët jo rrallë herë duhet të presin deri në 30 minuta që të vijë autobusi, duke u shkaktuar kështu atyre stres dhe humbje të punës. Nga ana tjetër, pavarësisht vonesave, sjellja e punonjësve të Bashkisë lë për të dëshiruar. Jo rrallë herë në redaksinë tonë kanë mbërritur denoncime për sjellje të pahijeshme të fatorinove, madje deri në përplasje fizike të tyre me qytetarët. Një ndër arsyet kryesore është mungesa e shërbimit cilësor, për të cilin qytetarët paguajnë tashmë një biletë më të rritur. Shumica e autobusave urban kanë mungesë të kondicioneri ose nuk e ndezin atë, dhe në vapën përvëluese, qytetarët duhet të durojnë si në saxh udhëtimin me autobus. Kjo mungesë kushtesh minimale është kthyer kështu në arsye përplasjesh mes qytetarëve dhe punonjësve të bashkisë, përplasje që kanë degjeneruar deri në plagosje.

Sot kur Bashkia nuk ka plotësuar ende kushtet minimale, përmendim këtu linjën “Institut-Qendër- Uzina Autotraktori”, “Tirana e Re” etj, kërkon nga qytetarët që të kenë me vete fotografi për abonetë. Po koston e fotografive kush e paguan? Do të thoni që nuk është shumë. Është shumë apo pak, është një kosto shtesë, që qytetarët nuk kanë përse ta paguajnë, kur Bashkia ende nuk u ofron kushtet minimale.

Por një pyetje tjetër që shtrohet, është se përse duhet karta e identitetit? A mos vallë pas Ministrisë së Arsimit dhe asaj të Shëndetësisë, edhe Bashkia e Tiranës po përfshihet në vjedhjen e të dhënave personale të qytetarëve para zgjedhjeve lokale? Gjithçka mund të ndodhë.

Ajo që mund të themi është një dhe vetëm një. Bashkia duhet të heqë dorë nga ky skandal, pasi pikësëpari ajo nuk ka ofruar kushtet minimale, ndonëse thonë se po bëhemi si “kudo në botë”, por kushtet në Shqipëri nuk janë si “kudo”, lënë për të dëshiruar. Së dyti, kujt i referohet Bashkia me “kudo në botë”, pasi vendet e rajonit këtë nuk e kanë, as Greqia, Italia, Franca e Gjermania. Atëherë kujt i referohet Lali Eri? Bashkia e Tiranës nuk po bën asgjë, pos se po përdor “dy ftyra” apo dy standarde, pasi kërkon që qytetarët të paguajnë për standarde “si e gjithë bota”, por nuk u shërbehet si në “të gjithë botën”. /CNA.al