web counter
LEXO PA REKLAMA!

SHKARKO APP

App Store
Google Play

E fundit!

x

Keni planifikuar pushimet?/ Ja si do jetë moti në muajin korrik, shiu do të…

29 Qershor 2018, 07:25, Aktualitet CNA

Reshjet e shiut dhe ditët e ftohta do të na shoqërojnë edhe gjatë ditës së sotme dhe nesër, ndërsa pas datë 1 korrik priten ndryshime të motit.

Sipas sinoptikanëve, sot dhe nesër moti do të vijojë të jetë i paqëndrueshëm me alternime kthjellimesh në ultësirën perëndimore në orët e para të ditës, dhe sërish mesdita do të rikthejë reshje shiu në formën e rrebesheve dhe stuhive të izoluara.

Kryesisht më të prekura do të jenë zonat malore, ndërsa temperaturat do të pësojnë ulje.

Era do të jetë me drejtim jugperëndim me shpejtësi 8 m/sek në bregdetin e Adriatikut. Valëzimi do të jetë i forcës 2 me lartësi vale 0,3 deri në 0,5 metër në det të hapur. Temperaturat do të jenë pa ndryshime të ndjeshme.

Temperaturat minimale dhe maksimale parashikohen:

Zonat malore 11/20°C

Zonat e ulëta 16/26°C

Zonat bregdetare 17/26°C

Muaji qershor parashikohet të mbyllet me shira, ndërsa për gjithë ata që planifikojnë të nisin pushimet në muajin korrik ka lajme të mira për sa i përket motit.

Sipas Meteoalb, duke filluar nga 1 korriku do t?i rikthehemi ditëve me diell dhe temperaturat do të shënojnë rritje.

Ndërkaq, reshje të pakta priten të pritet të ketë kryesisht në zonat malore.





Lajmet e fundit nga