E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

PD-LSI në panik/ Zbulohet skenari për rrëzimin e reformës në drejtësi

24 Qershor 2018, 09:07, Aktualitet CNA

Opozita shqiptare po përgatit një skenar për të rrëzuar të gjithë reformën në drejtësi.

Duke qenë se deri më tani ka ngërçe në Kushtetuese, Gjykatën e Lartë, në KLD apo prokurori, PD dhe LSI në shtator do të nisin një aksion me qëllim zhbërjen e reformës.

Sikurse raporton ?SOT? PD, LSI dhe partitë e tjera opozitare kanë menduar të vendosin një sërë kushtesh në shtator përballë qeverisë, sidomos nëse nuk merret statusi kandidat.

Sipas tyre janë dy ligje që pritet të rishikohen, ai pwr statusin e gjyqtarëve dhe prokurorëve, ku janë rrëzuar 27 nene, dhe për ligjin për organet e reja të drejtësisë ku janë rrëzuar 6 nene. Këshilli i Legjislacionit nisi diskutimet me qëllim rishikimin e këtyre neneve, por u pezulluan mbledhjet dhe gjithçka është bllokuar.

Puna për rishikimin e ligjeve do të rinisë në shtator, por që të miratohen nenet e reja, duhen 84 vota.

Skenari i opozitës është që nuk do ta japin votën nëse nuk rishikohen dhe nene të tjera në disa ligje, përfshirë dhe atë të vetingut.

Gjithashtu nëse KLGJ dhe KLP nuk bëhen funksionale deri në shtator, ?Sot? shkruan se opozita po ashtu do të ndërmarrë një tjetër nismë për të shkarkuar Arta Markun dhe për të rishikuar dispozitat sa i takon çështjes së kryeprokurorit.

Një tjetër lëvizje që do të ndërmarrin PD dhe LSI për të hedhur në erë të gjithë paketën e reformës në drejtësi, është dhe ankimimi i ligjeve në Kushtetuese. Sapo gjykata të konstituohet, atëherë do ketë ankimim të shumicës së ligjeve, pasi gjykata ka shumë nene që nuk ka dhënë vendim për shkak të mungesës së kuorumit.

Pasi nuk u përkrahën nga ambasadorët Lu dhe Vlahutin, PD dhe LSI i kanë kthyer sytë nga Uashingtoni. Ata kërkojnë që SHBA të sjellë në Shqipëri një ambasador republican, që ai të mbështesë idetë e tyre. PD është duke lobuar që të vijë një diplomat republikan dhe më pas do tentohet të bindet se reforma në drejtësi ka nevojë për rishikim.