web counter
LEXO PA REKLAMA!

SHKARKO APP

App Store
Google Play

E fundit!

x

Hipi mbi çati dhe kërcënonte/ Policia arreston babain që mbajti peng të birin(Video)

23 Qershor 2018, 20:21, Aktualitet CNA

Ka përfunduar me prangosjen e babait 40 vjeçar dyluftimi midis këtij të fundit dhe policisë së Beratit. Pas disa orëve negociatash, midis palëve, shtetasi Fatmir Duro është arritur të vihet nën pranga, pasi më parë, nga çatia e banesës kishte adresuar kërcënime në adresë të policisë dhe qytetarëve.

Duro,  për arsye ende të pasaktësuara zyrtarisht, kishte venë nën rregjim izolimi shtëpiak tre ditor djalin e tij të mitur. Nisur nga ajo çka ndihej pas mureve të banesës fqinjët kanë sinjalizuar Policinë, efektvët e të cilës kanë ndërhyrë në banesë por pa ja dalë, fillimisht, ta bindnin 40 vjeçarin Duro tu hapte portën e banesës.

Situata ka dalë jashtë kontrollit pikërisht në momentin kur Policia ka tentuar të ndërhyjë për ta marrë fëmijën. Në këtë çast Duro nuk pranoi të dorëzohej dhe hipi mbi çati duke qëlluar ndaj turmës së njerëzve që qëndronte poshtë pallatit dhe ndiqte aksionin e Policisë.

“Pasi na dorëzoi djalin 10 vjeçar, të cilin e mbante mbyllur në shtëpi prej tre ditësh, Miri Duro nuk pranoi të vetëdorëzohet. Ai hipi në çatinë e pallatit.Thoshte se do hidhej nga çatia. Nisi të godasë forcat e rendit dhe familjarët që i bënin thirrje të dorëzohej”, ka treguar për CNA.al një burim konfidencial i Policisë së Beratit. Gjthsesi më në fund është arritur që Duro të vihet nën pranga, ndërsa ka të dhena, ende të pakonfirmuara zyrtarisht, se 40 vjeçari Duro është i prekur nga sëmundje mendore./CNA.al





Lajmet e fundit nga