web counter
LEXO PA REKLAMA!

SHKARKO APP

App Store
Google Play

E fundit!

x

I adresoi kritika të forta/ Ministri Salvini kërkon ti heqë mbrojtjen Roberto Savianos

22 Qershor 2018, 18:21, Aktualitet CNA

Shkrimtari i madh italian i librave kundër mafias, Roberto Saviano, rrezikon të humbasë mbrojtjen shtetërore, pas kritikve të ashpra që i ka adresuar ministrit të Brendshëm italian, Matteo Salvini, lidhur me qëndrimin e tij ndaj emigracionit.

Mediat italiane raportojnë se Salvini po shqyrton nëse duhet t?i heqë mbrojtjen policore Savianos, autor të librit ?Gomorra? prej të cilit ai u shall hapur armik i betuar nga Mafia. Pikërisht për këtë arsye shteti italian e mori nën mbrojtje zyrtare shkrimtarin bestseller.

?Unë jam thjesht një prej shumë armiqve të tij?, thotë Saviano. ?Të jetosh gjithë kohën i ruajtur nga policia, është tragjedi. Italia ka më shumë gazetarë në situata të tilla se çdo vend tjetër perëndimor. Kjo ndodh për shkak se Italia ka organizatën më të fuqishme kriminale në botë. Por në vend që të çlirojë gazetarët nga këto rreziqe, Salvini, Ministri i Brendshëm italian, i kërcënon”, kanë qenë komentet e shkrimtarit në kundërpërgjigje të asaj çka po projekton ministri përfaqësues i partisë nacionaliste Lega Nord.

“Duke ngritur mundësinë për të më hequr mbrojtjen policore, Salvini po sinjalizon vendosjen time në listën e gjatë të armiqve… Armiqtë e tij janë italianët e jugut, italianët me të cilët ai nuk merret tani dhe s?ka për t?u marrë kurrë. Armiqtë e tij janë afrikanët që jetojnë në Itali, indianët që jetojnë në Itali, pakistanezët që jetojnë në Itali. Armiqtë e tij janë djemtë e vajzat e lindur në Itali me prindër të huaj. Armiqtë e tij janë pjesëtarët e komunitetit rom, të gjithë romët. Armiqtë e tij janë të huajt që ai do të largojë nga Italia, dhe italianët që Salvini do të donte t?i përzinte bashkë me të huajt. Mes këtyre italianëve, të harruar nga politika dhe institucionet, jam edhe unë” kanë qenë të tjera fraza të adresuar ministrit Salvini, i cili, nëpërmjet këtij kërcënimi, thotë Saviano: “më ka vendosur aty ku kam vendin. Unë jam krenar për këtë status!..Ky njeri i paskrupullt e cinik nuk duhet lejuar të armatosë forcat e intolerancës. Ata që heshtin tani do të jenë fajtorë përgjithnjë?, shkruan Saviano.





Lajmet e fundit nga