web counter
LEXO PA REKLAMA!

SHKARKO APP

App Store
Google Play

E fundit!

x

“Tërbohet” Rama/ Paralajmëron kryebashkiakët, Veliaj mes të rrezikuarve

21 Qershor 2018, 07:42, Aktualitet CNA

Kryeministri Edi Rama ?shigjetoi? dje të gjithë kryebashkiakët, duke iu vënë në dukje punën e tyre të dobët. Gjatë një takimi të zhvilluar me koordinatorët e bashkëqeverisjes në Kryeministri, kreu i ekzekutivit deklaroi se ka shumë kryetarë bashkie, veçanërisht meshkujt, të cilët nuk iu përgjigjen njerëzve në kohë. Sipas tij, edhe pse ka shumë qytetarë që ankohen në platformën ?shqipëriaqëduam.al?, krerët e bashkive nuk bashkëpunojnë me koordinatorët. Rama paralajmëroi se nëse situata vijon e njëjtë, atëherë do të bëjë publik edhe emrat e tyre, duke i ?detyruar? të japin llogari publikisht. Sipas Ramës, emrat e këtyre kryebashkiakëve indiferentë ndaj problemeve të qytetarëve nuk do të rikandidohen në zgjedhjet vendore të vitit 2019.

?Bashkitë nuk përgjigjen shpesh në kohë dhe kjo është për të ardhur keq. Pjesa e Zyrës së Bashkëqeverisjes që mbulon pushtetin vendor bën të njëjtën punë që bën për çdo rast me pushtetin qendror, por has shpesh në shurdhëri dhe në indiferencë. Nuk kam dashur që t?i bëj publike rastet dhe nuk kam dashur që të publikoj drejtpërdrejtë emrat konkretë të bashkive dhe të kryetarëve të bashkive, por dua të them që do të jem i detyruar ta bëj këtë gjë, meqë zotërinjtë, kryesisht janë zotërinjtë ata që nuk përgjigjen, zonjat kryetare bashkie janë më reaguese në përgjegjësi, kanë edhe ambicien që të zgjidhen përsëri. Kështu që do të duhet ta llogarisin nga sot se do duhet të ballafaqohen publikisht me rastet që qytetarët referojnë në platformë?, tha ai.-raporton gazeta Sot.

Ndërkohë gazeta ka arritur të mësojë se një ndër emrat më të rrezikuar për të mos u rikandiduar në zgjedhjet e 2019 është Erion Veliaj. Është aluduar se marrëdhëniet mes tij dhe kryeministri janë ftohur dhe si për ta faktuar këtë përgjatë turit të llogaridhënies që Edi Rama ndërmori pak ditë më parë, Veliaj nuk u pa i pranishëm. Sakaq, vlen të theksohet fakti se pikërisht ditën e djeshme kur Rama lëshoi një paralajmërim të tillë, Veliaj zhvilloi një takim në Farkë me qytetarët për të treguar punët e kryera prej tij, por edhe për të dhënë llogari. Përmes kësaj lëvizjeje, duket se kryebashkiaku i përcjell një mesazh kryeministrit se po reflekton dhe po bën atë që ai kërkon: përkujdesjen ndaj ankesave të qytetarëve.





Lajmet e fundit nga