E fundit!

12:07 Aktualitet

Liqeni i Shkodrës shpallet rezervë bioesfere e UNESCO-s

Në Ditën Botërore të Mjedisit, UNESCO cakton 14 rezerva të...

Dashuri Bardh e Zi/ Ferhat telefonon Asllën fshehurazi nga burgu

15 Qershor 2018, 08:13, Lifestyle CNA

Asllë i tregon Ebrus rreth Shahinit dhe e fajëson vajzën e tij për rrëmbimin që i ka ndodhur. Ebru nxehet me Asllën. Abidin mendon se Ferhati nuk po mbron vetveten nga burgu, sepse po i fshihet diçkaje që ka bërë. Abidin kupton se femra me të cilën është dashuruar Dilsiz është Hylja. Ferhat e kupton se do ta sulmojnë dhe shpëton vetveten.

Më i vjetri i qelisë mban anën e Ferhatit, kur e kupton se po përpiqen ta vrasin. Asllë shikon fotografi të fëmijërisë së Ebrusë dhe e kupton se ajo është vajza e Shahinit. Ferhat miqësohet me të vjetrin e qelisë dhe e pyet rreth Shahinit. Ai i tregon Ferhatit se Shahin ka patur një vajzë që ishte doktoreshë dhe rritur nga Namik. Ferhat e kupton se Ebru është vajza e Shahinit. Ai tregohet i dhunshëm me policët duke kërkuar që të flasë në telefon me Asllën për ta paralajmëruar atë. Asllë i tregon Jigitit se Ebru është vajza e Shahnit dhe kjo e fundit e dëgjon.

Ferhatin e rrahin në qelinë e izolimit. Ebru nuk e lejon Asllën të largohet nga shtëpia e saj duke i drejtuar asaj armën. Ebru i flet Asllës rreth jetës së saj dhe fëmijërisë së vetmuar në jetimore. Ebru kishte planifikuar të vriste Asllën të fundit para syve të Ferhatit, por përshpejton planin pasi Asllë mëson të vërtetën. Gylsym është e dëshpëruar për Ferhatin dhe Abidin i qëndron pranë. Ata përqafohen dhe Handan i shikon. Jigit mbërrin në çastin e fundit në shtëpinë e Ebrusë. Ebru kërcënon se do të vrasë Asllën dhe Jigit kujton se si Ferhat i ka lënë amanet Asllën. Arma e Ebrusë nuk ka plumba dhe qëllon bosh kundër Asllës. Jigit në panik e sipër qëllon Ebrunë në këmbë dhe me një plumb të dytë në zemër. Xhem gjen Ebrun të vdekur dhe qan për të. Handan ngushëllon Jeterin për Ferhatin dhe i kërkon të mbaj larg Gylsymin nga Abidini.

Jigit mëson se gjendja shëndetësore e Ferhatit është mirë. Xhem kërkon të qëndrojë vetëm, por nuk e fajëson Jigitin për faktin që i ka vrarë të fejuarën. Gylsym mohon të ketë diçka mes saj dhe Abidinit. Pas dëshmisë së Javuzit kundër Ebrusë Ferhati do të lihet i lirë. Jigit rrezikon të dëmtohet nga fakti që ka vrarë një person. Ferhat telefonon Asllënë me një telefon fshehurazi nga burgu. Jigit flet me Ferhatin në telefon dhe shtiret si i acaruar për faktin që ai ka marrë një telefon në dhomë.