E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Vendimi për Llallën/ “Festojnë” gjyqtarët dhe prokurorët e korruptuar

13 Qershor 2018, 07:56, Aktualitet CNA

Vendimi i Kolegjit të Posaçëm të Apelimit për të ?shpëtuar? ish-kryeprokurorin Adriatik Llalla nga procesi i vetingut ka hapur rrugën e dorëheqjeve.

Në rast se KPA do të vendoste që ish-Prokurori i Përgjithshëm të rifutej në veting, atëherë plani i gjyqtarëve dhe prokurorëve për dorëheqje do të rrëzohej sepse rreziku për ta do të ishte po i njëjtë.

Por duke qenë se Llalla ia hodhi me sukses procesit të vetingut, tashmë pritet që shumë përfaqësues të tjerë të drejtësisë të cilët i frikësohen procesit të rivlerësimit ta përdorin këtë vendim të Kolegjit të Posaçëm të Apelimit si precedent.

Ata tani kanë mundësinë për të realizuar planin e tyre për t?iu shmangur përballjes me trupën gjykuese të Komisionit të Pavarur të Kualifikimit, duke dhënë dorëheqjen para se të nominohen për të dhënë sqarime për pasuritë e tyre dhe vitet e karrierës, shkruan gazeta Sot.

Duke parë që rasti ?Llalla? rezultoi ?i suksesshëm?, tanimë burimet pranë gjykatave dhe prokurorive, si dhe pranë Unionit të Gjyqtarëve, i thanë gazetës se pritet valë largimesh edhe nga gjyqtarë dhe prokurorë të tjerë sepse është e sigurt që KPA, ashtu si për Llallën, edhe për ata nuk do të vendosë që të rifuten në veting.

Ndërkohë, një tjetër precedent që gjyqtarët dhe prokurorët e frikësuar nga vetingu mund të përdorin është edhe rasti i ish-gjyqtarit të Gjykatës Kushtetuese, Besnik Imeraj. Pavarësisht se ky i fundit u dorëhoq nga sistemi i drejtësisë dhe procesi i rivlerësimit për të u ndërpre, Komisioni i Pavarur i Kualifikimit vendosi që ta kallëzonte atë penalisht në prokurori.

Mirëpo organi i akuzës vendosi që të pushonte hetimet për të, duke iu dhënë shpresa kështu ?aktorëve? të tjerë të drejtësisë se të njëjtën situatë mund të përjetojnë edhe ata vetë. Pra dhjetëra gjyqtarë dhe prokurorë kanë në plan t?i shpëtojnë vetingut duke përdorur dy momente si precedentë: rastin ?Llalla? dhe rastin ?Imeraj?.