web counter
LEXO PA REKLAMA!

SHKARKO APP

App Store
Google Play

Pse të gjithë po vrapojnë pas vajit të farave të zeza?

13 Qershor 2018, 13:53, Lifestyle CNA

Vaji i farave të zeza është përdorur që në qytetërimin e lashtë greko- romak dhe njihet për vetitë e tij çudibërëse. Përbëhet prej më shumë se njëqind substancash të ndryshme dhe përmban përafërsisht 38% karbohidrate, 21% albuminë dhe shumë mikroelementë të tjerë.

Përpos faktit që forcon zemrën, sistemin imunitar, rigjeneron lëkurën dhe stabilizon sheqerin në gjak, së fundmi njerëzit po e përdorin për një tjetër arsye madhore, për të rënë në peshë.

Blogere të shumta kanë treguar se ky lëng magjik ka bërë mrekulli me to. Disa kanë preferuar ta marrin në kapsula e të tjerë e kanë përdorur në gatim. Duhet thënë që vaji do t?jua prishë disi shijen pjatave tuaja, shumë shprehen se ka një aromë jo fort të këndshme, por ia vlen barra qiranë. Ekspertët thonë se nëse alternoni ushtrimet fizike me vajin në fjalë, pra e bëni pjesë të dietës suaj ushqimore rezultatet do të jenë pozitive.

Specialistët shprehen se vaji i farave të zeza ndihmon në rënien në peshë për shkak të antioksidantëve të shumtë që përmban, fibrave, mineraleve dhe vitaminave. Vaji do të stimulojë tretjen, ndaj do të ndiheni më pak të fryra dhe zona problematike e fundit të barkut do të duket estetikisht më mirë.

Nuk sugjerohet të konsumoni më shumë se 2 lugë gjelle vaj në ditë dhe mundësisht ta përdorni në sallate, supë, etj.





Lajmet e fundit nga