web counter
LEXO PA REKLAMA!

SHKARKO APP

App Store
Google Play

Klea Huta rikthehet në “Top Channel”: Zbulohet programi që do të drejtojë

13 Qershor 2018, 08:40, Lifestyle CNA

Klea Huta është një ndër personazhet më të ndjekura të ekranit shqiptar, jo vetëm për jetën e saj profesionale, por së fundmi edhe për jetën personale. Mirëpo ndërkohë që duket sikur kohët e fundit i është përkushtuar më shumë muzikës, Klea do të rikthehet në ekranin televiziv në shtator me një program, i cili pritet të jetë një ndër më të ndjekurit.

Burime për ?Blitz.al? kanë zbuluar se me nisjen e sezonit të ri televiziv Klea Huta do të rikthehet në ?Top Channel?, ku provoi veten e saj disa vite më parë si ?showgirl?. E kemi parë si prezantuesen e ?Gjeniut të vogël? në ?Tv Klan?, por tashmë do ta shohim në ekranin e ?Top Channel?, ku do të prezantojë një emision i cili u dedikohet personazheve shqiptarë që janë bërë të njohur jashtë vendit. Fillimisht u përfol se rolin e prezantueses në këtë emision të ri në ?Top Channel? do ta bënte motra e këngëtarit Dren Abazi, Rina, por me sa duket produksioni ka ndryshuar mendim dhe ia ka besuar Kleas.

Sipas këtij burimi ky program do të ketë gjithësej 12 puntata dhe do të intervistohen 12 personazhe që jetojnë jashtë Shqipërisë. Me sa duket kjo do të jetë një verë e mbushur me udhëtime të shumta për Klean dhe stafin e emisionit, pasi ata duhet të udhëtojnë në vende të ndryshme të botës si Amerikë, Angli etj.

Përflitet se disa nga personazhet që do t?i bashkohen këtij formati janë: Emina Cunmulaj, Angela Martini, Ermonela Jaho, etj.





Lajmet e fundit nga