web counter
LEXO PA REKLAMA!

SHKARKO APP

App Store
Google Play

Shqipëria, e gatshme ta heqë roamingun me Kosovën

7 Qershor 2018, 18:25, Aktualitet CNA

Një delegacion nga Kuvendi i Republikës së Kosovës, i udhëhequr nga deputeti i PSD-së, Dardan Molliqaj, ka takuar disa zyrtarë të Qeverisë dhe Kuvendit të Shqipërisë për të diskutuar lidhur me rezolutat që u miratuan në Kuvendin e Kosovës këtë javë, siç janë heqja e roamingut dhe hapja e pikave kufitare.

Ata i ka pritur edhe ministri i Ekonomisë dhe Financave, Arben Ahmetaj, i cili ka thënë se shpreh vendosmërinë e tij që unioni doganor ndërmjet të dy Republikave të bëhet sa më parë, e po ashtu ka dhënë mbështetje edhe për heqjen e roamingut ndërmjet të dy vendeve në kohë sa më të shpejtë.

Sipas një njoftimi për media nga kjo parti, gjatë këtij takimi u bisedua për nevojën e thellimit të bashkëpunimit mes Kosovës dhe Shqipërisë, e me theks të veçantë për rezolutat e fundit të votuara në Kuvendin e Kosovës, zbatimi i të cilëve lehtëson komunikimin dhe qarkullimin mes qytetarëve të Kosovës dhe Shqipërisë.

Për takimet ka shkruar edhe deputeti i PS-së, Eduart Shalsi. ?Mirëprita me shumë kënaqësi një delegacion deputetësh kosovarë, të shoqëruar nga ambasadori i tyre në Shqipëri, Sylë Ukshini, me të cilët diskutuam për disa çështje të rëndësishme me interes të përbashkët, ku më kryesorja është reduktimi/heqja e tarifave roaming mes Shqipërisë dhe Kosovës. Optimist se edhe një barrierë e tillë do të eliminohet!?, ka shkruar aim raporton “Tetova Sot”.





Lajmet e fundit nga