E fundit!

20:58 Aktualitet

FOTOLAJM/ Pankartat "pikante" në protestën e 46 kundër qeverisë

Vijon protesta e 46 para Kryeministrisë. Protestuesit vijo...

Ndalimi jashtë stacionit/ Policia bën kërdinë ndaj automjeteve të transportit të pasagjerëve

7 Qershor 2018, 16:03, Aktualitet CNA

Policia Rrugore vijon punën për rritjen e sigurisë në rrugë, ndërsa me anë të një postimi në rrjetet sociale, Policia e Shtetit bën me dije se vijojnë kontrollet në rrugët kryesore.

Sipas policisë, për shkak të ndalimit jashtë stacioneve të caktuara, janë marrë disa masa administrative ndaj drejtuesve të automjeteve të transportit inter-urban, ndërsa u tërhiqet vërejtje qytetarëve që të ndalojnë në stacionet e caktuar, për të shmangur aksidentet.

Mësohet se nga 50 automjetet të kontrolluara, ndaj 14 prej tyre janë marrë masa administrative.

Njoftimi i Policisë Rrugore të Tiranës

Nisur nga shqetësimet dhe rreziku permanent që shfaqin mjetet e shërbimit publik kryesisht në rrugën interurbane kryesore Tiranë-Durrës dhe anasjelltas, duke ndaluar jashtë stacioneve të miratuara për marrjen dhe zbritjen e pasagjerëve jashtë stacioneve të miratuara, Policia Rrugore e Tiranës prej disa ditësh ka monitoruar pikat e rrezikut ku haset më së shumti ky fenomen dhe sot janë organizuar disa pika kontrolli për monitorimin, kontrollin dhe procedimin e tyre administrativ sipas shkeljeve të evidentuara nga agjentët verifikues.

Përveç masave administrative për mjetet e shërbimit publik të cilët u ndëshkuan, Policia Rrugore apelon që kategoria e këmbësorëve të stacionohen në vendet e miratuara nga autoritetet përkatëse me qëllim disiplinimin e këtij shërbimi dhe rritjen e sigurisë në rrugët urbane dhe interurbane të kryeqytetit.

Janë kontrolluar gjithsej 50 mjete të kësaj kategorie dhe janë vendosur 14 masa administrative për shkeljet e konstatuara.

Një tjetër shqetësim për Policinë e Tiranës është mosrespektimi i rregullave të qarkullimit rrugor nga këmbësorët, duke kaluar në rrugët interurbane dhe në rrugët urbane, jo në mbikalimet apo në vijat e bardha por në vendet e pa lejuara duke ju ndërprerë rrugën automjeteve, çka përbëjnë rrezik potencial për jetën e tyre dhe përdoruesëve të tjerë të rrugës.

Policia Rrugore e Tiranës apelon për më shumë vëmendje dhe kujdes në respektimin e rregullave të qarkullimit rrugor nga këmbësorët dhe drejtuesit e automjeteve. /CNA.al