web counter
LEXO PA REKLAMA!

SHKARKO APP

App Store
Google Play

E fundit!

x

Dokumentet ekskluzive/ Thellohet "skandali Veliaj"

7 Qershor 2018, 13:13, Aktualitet CNA

Këshilli Bashkiak i Tiranës me datë 26 korrik 2017 ka miratuar vendimin për rritjen e çmimit të ujit, siç vërtetohet nga pika 6 e rendit të ditës së mbledhjes. Kjo e vërtetuar në procesverbalin që ka siguruar CNA.al.

Në këtë mbledhje të Këshillit Bashkiak të Tiranës nuk ishin të pranishëm 6 anëtarë, për shkak se KQZ ju kishte dhënë mandatin e deputetit, dhe nga ana tjetër edhe këshilltarët e opozitës braktisën punimet e Këshillit që në fillim të seancës, kur pretendohet se u miratua rritja e çmimit të ujit.

Në këto kushte mbledhja e datës 26 korrik, kur u miratua edhe rritja e çmimit të ujit, ka vijuar punimet me vetëm 25 këshilltarë, nga minimalisht 31 që duhen për miratimin e vendimeve. Për shkak se Këshilli Bashkiak Tiranë ka në përbërje 61 anëtarë.

Gjatë kësaj mbledhje, Këshilli Bashkiak i Tiranës ju dha mandatin gjashtë këshilltarëve të rinj, që do të zëvëndësonin 6 anëtarët e larguar, të cilët morën mandatin e deputetit.

Ndërkohë vendimi për rritjen e çmimit të ujit u votua edhe nga këta 6 individë, për të cilët ende nuk kishte përfunduar procedura e marrjes së mandatit të Këshilltarit.

Por, nga ana tjetër siç vërtetohet nga pika 3 e vendimeve, mandatet e këshilltarëve zëvëndësues do të hynin në fuqi dhe do të mund të ushtroheshin vetëm pas konfirmimit ligjor nga Institucioni i Prefektit të Qarkut Tiranë.

Siç vërtetohet nga shkresa e prefektit këto mandate janë konfirmuar me datë 28 korrik 2017, ndërkohë që vendimi për rritjen e çmimit të ujit pretendohet se është kaluar, dy ditë më parë, me votat e 6 individëve që nuk ishin bërë ende juridikisht këshilltarë në atë mbledhje.

Kjo e bën automatikisht të pavlefshme rritjen e çmimit të ujit në Tiranë, dhe bashkia me shpalljen e vendimit të gjykatës duhet të kthejë te qytetarët lekët shtesë që janë paguar nga qytetarët në bazë të një vendimi absolutisht të pavlefshëm.

Nisur nga këto fakte, anëtari i djathtë në Këshillin Bashkiak të Tiranës, Fabjan Topollaj ditën e djeshme ka paraqitur pranë Gjykatës Administrative të Apelit një padi, që kërkon anullimin e rritjes së çmimit të ujit dhe rikuperimin e të gjithë pasojave të paligjshme deri tani.

Ajo që bie në sy është se padia është vetëm në emër të këshilltarit të djathtë në Bashkinë e Tiranës, Fabjan Topollaj, dhe jo të PD-së.

CNA.al ka siguruar ekskluzivisht padinë e depozituar dhe provat që vërtetojnë se vendimi për rritjen e çmimit të ujit nuk ka marrë numrin e nevojshëm të votave për tu miratuar./ CNA.al

 

Vendime me anëtarë pa mandat/ Kujt po ia hap derën e burgut ?lali Eri??

Skandal/ Erion Veliaj shkel vendimin e Gjykatës





Lajmet e fundit nga