web counter
LEXO PA REKLAMA!

SHKARKO APP

App Store
Google Play

E fundit!

x

Ngjarja e rëndë në Shkodër/ Ndëshkohen shefi i  Komisariatit dhe dy policët

29 Maj 2018, 12:58, Kronika CNA

Ministria e Brendshme ka reaguar në lidhje me ngjarjen e rëndë ku u gjet i vetëvarur 47 vjeçari Ardian Kallami, i cili kishte marre vendimin fatal per jeten pasi ishte shoqëruar për disa orë në Polici si i dyshuar për vjedhje.

Ministria e Brendshme ka sqaruar se jane marre masa per shefin e Komisariatit te Vaut te Dejes dhe dy policet per te cilet thuhet se kane ushtruar dhune ndaj tij dhe e kane detyruar te pranoje ngjarjen.

Njoftimi i plotë:

Pasi është vënë dijeni mbi ngjarjen Ministri i Brendshëm z.Fatmir Xhafaj ka urdhëruar Shërbimin e Çështjeve të Brendshme dhe Ankesave (SHÇBA) që në bashkëpunim me Prokurorinë të nisi një proces verifikimi dhe hetimi.

Pas verifikimeve paraprake ndaj punonjësve të Policisë të dyshuar si të implikuar me përgjegjësi, Ministri i ka kërkuar Drejtorit të Përgjithshëm shqyrtimin e çështjes me prioritet dhe marrjen e masave përkatëse deri në hetimin e plotë të ngjarjes nga Prokuroria e Rrethit Gjyqësor Shkodër.

Drejtori i Përgjithshëm i Policisë së Shtetit z.Ardi Veliu sot ka urdhëruar masën e pezullimit nga detyra, përkatësisht për P.Ç., Shef i Komisariatit të Vaut të Dejës dhe punonjësit Z.D dhe P. Zh., me detyra SPZ (Specialist policor i zonës).

Materialet përkatëse janë referuar pranë Prokurorisë së Rrethit Gjyqësor Shkodër, për ndjekje të mëtejshme penale konform ligjit.





Lajmet e fundit nga