E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Tentativa për grabitjen e bankës/ Zbulohen detaje të reja

22 Maj 2018, 17:06, Aktualitet CNA

Grabitjet janë shtuar ndjeshëm kohëve të fundit Mesditën e sotme, u tentuat të grabitet një bankë e nivelit të dytë nga një person i maskuar dhe armatosur, i cili iu drejtua bankës me qëllim grabitjen. Ai është futur në pjesën e bankomatit, por dera për të hyrë brenda ambienteve të bankës ishte e mbyllur.

Në ambientet e bankës ndodhej personeli që po mbyllte bilancet e ditës, ndërkohë që autori Olcion Muço 25 vjeç nga Berati u përplas me rojën, që nuk e lejoi të futet brenda. Në këtë moment, i riu nxori armën duke qëlluar në drejtim të derës tetë herë me pistoletë.

Pas kësaj, policia ka arritur ta vërë në pranga, ndërsa mësohet se ai është ushtar profesionist në detyrë.

Njoftimi i plotë i policisë:

Lushnje

Ndërhyrja në kohë e policisë parandalon një ngjarje të rëndë kriminale.

Tentoi të vidhte një bankë të nivelit të dytë në qytet, policia ndjek dhe kap autorin.

Sekuestrohet arma e krimit, maska, kapuçi, 8 gëzhoja si edhe prova të tjera balistike.

Në datën 22.05.2018, rreth orës 16:00, në afërsi të Poliklinikës së qytetit Lushnje, është tentuar të vidhet një bankë të nivelit të dytë.

Autori ka hyrë në bankë i maskuar dhe me armë dhe ka qëlluar me armë.

Nga të shtënat nuk ka asnjë person të lënduar.

Shërbimet e Policisë me të marrë njoftim kanë reaguar në kohë reale ku falë veprimeve të shpejta të punonjësve të Patrullës së Përgjithshme u bë e mundur kapja gjatë ndjekjes dhe arrestimi në flagrancë i autorit i cili tentoi të largohej në brendësi të lagjeve, rreth 1 km nga vendi i ngjarjes.

U arrestua në flagrancë shtetasi Olcion Muço, 25 vjeç, nga Berati.

Grupi hetimor sekuestroi në cilësinë e provës materiale armën me të cilën u tentua të vidhet banka, maska dhe 1 kapuç.

Gjithashtu në vendngjarje u sekutruan 8 gëzhoja pistolete TT të cilat dyshohen se janë qitur nga pistoleta e autorit.

Grupi hetimor po punon për dokumentimin e plotë të ngjarjes. /CNA.al