web counter
LEXO PA REKLAMA!

SHKARKO APP

App Store
Google Play

E fundit!

x

Shkarkimi i Hajdarmatajt/ Zbulohet kush e kërkoi “kokën” e tij

22 Maj 2018, 09:43, Aktualitet CNA

Prokurorja e Përgjithshme  e përkohshme Arta Marku me urdhërin nr.136, datë 9 maj 2018 vendosi largimin nga detyra të Drejtuesit të Prokurorisë për Krime të Rënda, Besim Hajdarmataj, i cili ishte i emëruar dhe jo i komanduar.

Në vend të tij, Marku emëroi mikeshën e saj Donika Prela.

?Kemi besim se ky ndryshim në drejtim do të sjellë si rezultat ndjekje penale më të shpejtë dhe më të efektshme të çështjeve me përparësi të lartë?, thuhej në komunikatën për shtyp të Prokurorisë së Përgjithshme.

Largimi i Hajdarmatajt pa motivacion, shkaktoi një sërë reagimesh, duke ditur dhe dosjet që ai ka në duar.

U tha, se Hajdarmataj u shkarkua, pasi nuk kishte pranuar të arrestonte ish-kryeprokurorin Adriatik Llalla, u tha se po tentohej  t?i merrnin nga duart dosjen e ish-ministrit të Brendshëm Saimir Tahiri, por zyrtarisht nuk pati asnjë deklaratë për shkarkimin e tij.

Pavarësisht kësaj, dita-ditës po zbardhet çështja e shkarkimit të Hajdarmatajt dhe po del në skenë firmëtari i vërtetë që kërkoi ?kokën? e tij.

Në fakt, pasi mori detyrën në krye të Prokurorisë së Përgjithshme, Arta Marku, kishte dalë në krah të Hajdarmatës, duke i dhënë atij mbështetje, ndaj dhe shkarkimi prej saj, ngriti një sërë pikëpyetjesh.

Deklarata e kryeministrit Edi Rama, gjatë mbledhjes së fundit të grupit parlamentar rreth arrestimit të ish-ministrit të Brendshëm Saimir Tahiri, zbuloi se kush kishte urdhëruar shkarkimin e Hajdarmatajt.

Duket se ka qenë vetë kryeministri Edi Rama, që ka kërkuar në tepsi ?kokën? e Hajdarmatajt, ndaj  Kryeprokurorja Arta Marku nuk gjeti motivacion për shkarkimin e tij.

?Njëqind herë po të ktheheshim në atë shfaqje famëkeqe të Prokurorisë së Krimeve të Rënda, ku u kërkua arrestimi i Saimir Tahirit, në parlament, njëqind herë, ne do të mbanim të njëjtin qëndrim dhe unë do të mbaja të njëjtin fjalim. Jo për mos të lëshuar njeriun tonë, por në mbrojtje të së drejtës tonë kushtetuese për të refuzuar një padrejtësi, të cilën Kushtetuta na e njeh mundësinë ta gjykojmë, kur prokuroria vjen në parlament?, ka deklaruar Rama.

Tashmë që Hajdarmataj nuk është më në krye të Krimeve të Rënda, kryeministri Edi Rama, duket se nuk e ka problem ta pranojë edhe pse indirekt, se ka qenë ai që ka kërkuar shkarkimin e tij./CNA.al





Lajmet e fundit nga