E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

Ekskluzive-Zbardhet dosja hetimore/ Si ra në kurth grupi i Met Kananit

21 Maj 2018, 09:10, Aktualitet CNA

Prokuroria e Krimeve të Rënda për zbardhjen e plotë të çështje penale e regjistruar me nr.54 /2017, me datë 12.02.2017, ka filluar të përdorë përgjimet telefonike.

Paraprakisht, nën përgjim janë vënë një sërë numrash telefonik celularë, të cilat mendoheshin, se ishin në përdorim të personave të dyshuar, se po kryenin veprimtarinë kriminale të kontrabandimit të njerëzve apo familjarëve të tyre, të cilët mbanin kontakte me personat e dyshuar.

Si rezultat i veprimeve hetimore të zhvilluara janë evidentuar disa lidhje kriminale të të hetuarve të përfshirë në këtë procedim dhe lidhjeve kriminale të tyre me aktivitetet kriminale në fushën e trafikimit të lëndëve narkotike, në territorin e shtetit të Greqisë.

Si rezultat i këtyre hetimeve, Autoritetet e Hetimit Penal në Rajonin e Atikës në Greqi kanë intensifikuar veprimet hetimore ndaj disa shtetasve përfshirë edhe shtetasin shqiptar Astrit Gërbi.

Më datë 04.042017. nga komunikimi me Autoritetet e Hetimit Penal në Rajonin e Atikës në Greqi është dhënë informacioni se me datë 30.03.2017 është bërë i mundur arrestimi i shtetasve shqiptarë Ermal Neki Berxhi, Astrit Gerbi, Daniel Dashnor Luka dhe Luljeta Feriz Berxhi.

Të njëjtëve u janë sekuestruar 32 kg e 450 gram lëndë narkotike e llojit kanabis sativa, 27.8 gram lëndë narkotike e llojit kokainë dhe 5.845 euro.

Sipas Prokurorisë, përgjimet telefonike kanë vlerë të plotë provuese sepse situatat e paraqitura në to i përgjigjen saktësisht realitetit të fakteve dhe ngrihen dyshime që shtetasit në fjalë që janë pjesë e grupit të Met Kananit, kanë mundësuar trafikimin e lëndëve narkotike në sasira të konsiderueshme.

Shtrirja e grupit në Shqipëri

Si rezultat i të dhënave të përftuara nga përgjimet telefonike dhe vëzhgimit në terren të veprimeve të të hetuarve të këtij procedimi penal me datë 21.07.2017 i është dhënë informacion në kohë reale. punonjësve të Policisë të Drejtorisë Vendore, në Fier.

Paraprakisht ishte konstatuar se shtetasi Skënder Vrenozi, ishte duke u shitur një sasi të konsiderueshme lënde narkotike disa shtetasve nga Shkodra.

Kështu, Prokuroria pranë Gjykatës së Shkalles së Parë Fier mbi bazën e materialit procedurial të ardhur nga Drejtoria Vendore e Policisë Fier me shkresën nr.6079 të datës 22.07.2017 ka regjistruar proçedimin penal nr.874 datë 22.07.2017 që bën, fjalë për vepat penale ?Prodhim dhe shitje narkotikësh, e kryer bashkëpunim? dhe ?Prodhimi dhe mbajtja pa leje i armëve luftarake dhe municionit” të parashikuara nga nenet 283/2 dhe 278/2 të Kodit Penal.

Me datë 21.07.2017 ora 21.30 Sektori për Hetimin e Narkotikëve dhe Trafiqeve në Drejtorinë Vendore të Policisë Fier kishte mësuar se shtetasi Skënder Vrenozi kishte në banesën e tij 70 kg lëndë narkotike sasi të cilën do t?ia shiste dy shtetasve nga qyteti i Shkodrës e konkretisht shtetasve Spartak Ceraj dhe Klaudio Hasaj për një shumë prej 1000 euro.

Fillimisht, është kryer kontrolli i këtyre shtetasve, të cilët ishin në një distancë prej 20 metrash nga shtëpia e shtetasit Skënder Vrenozit.

Më pas është ushtruar kontroll në banesën e shtetasit Skënder Vrenozi, ku në dhomën e gjumit të tij është gjendur një sasi lënde e dyshuar narkotike me peshë të përgjithshme 39.295 kg.

Më pas është ushtruar kontroll në një lokal të ndodhur në kthesën e Ballshit në pronësi të shtetasit Skënder Vrenozi, ku sërish është gjetur dhe sekuestruar një sasi lënde e dyshuar narkotike me peshë të përgjithshme 36.230 kg.

Ndërsa nga kontrolli i ushtruar në banesën e djalit të shtetasit Skënder Vrenozi, shtetasit Ervis Vrenozi është gjetur një armë zjarri model 54. kalibrit 7.62. me numër 14072347-66-1967 me një krehër dhe me pesë fishekë.

Ndërkaq është kryer kapja në flagrancë e të dy shtetasve Spartak Çeraj dhe Klaudio Hasaj./CNA.al

-vijon-