E fundit!

20:38 Aktualitet

Përballë Nokës për postin e Sekretarit të Përgjithshëm të PD-së/ Korreshi: Ja kur e mora vendimin për të garuar

Deputeti Saimir Korreshi është vendosur përballë Flamur No...

Pse Xhafaj duhet të japë dorëheqjen sot

12 Maj 2018, 08:45, Aktualitet CNA

Prej disa ditësh kryetemë debati e diskutimi, është dosja e publikuar nga Partia Demokratike për vëllain e ministrit të Brendshëm, Fatmir Xhafaj, i cili është dënuar me vendim të formës së prerë nga Gjykata e Kasacionit në Itali për trafik ndërkombëtarë lëndësh narkotike, të llojit heroinë dhe kokainë.

Për shkak të kësaj dosje dhe përfshirjes së vëllait të tij, Fatmir Xhafaj duhet të japë sot dorëheqje.

Fatmir Xhafaj, është ministri më i rëndësishëm i vendit, ministri që po bën Vettingun e Policisë së Shtetit, por a mundet që një ministër, vëllai i të cilit është i dënuar për trafikim narkotikësh, pjesëmarrje në banda kriminale, të bëjë “gjyqin” për policët, të cilët kanë një familjar të dënuar për mospagim të energjisë elektrike dhe largohen nga puna.

A mundet që një ministër i cili deri dje kërkonte prova për akuzat që i drejtoheshin të vëllait, por sot që i ka sërish i del në krah, të bëjë Vettingun e policëve, të cilët mund të kenë një të afërm të arrestuar për lidhje të parregullt të ujit të pijshëm?

Nga ana tjetër, Fatmir Xhafaj, akuzohet nga opozita, se ka falsifikuar ligjin për ekstradimin duke i garantuar vëllait të tij paprekshmërinë, si nga autoritet italiane, ku edhe është dënuar, ashtu edhe nga këto shqiptare, pasi ligji në fjalë parashikon pamundësinë e ekstradimit, nëse dikush është dënuar në mungesë.

Dy ditë më parë, një tjetër fakt i rëndësishëm u bë publik nga gazetari investigativ, Artan Hoxha në “Opinion”, se Agron Xhafaj, kishte ndërruar emrin nga Agron në Geron, gjë që mund të ishte faktor kyç për mosarrestimin e tij. Këto dhe shumë të tjera, janë arsyet pse Fatmir Xhafaj, duhet të japë sot dorëheqje, të paktën për të zbatuar standardin e vendosur nga ish-ministri i Drejtësisë në qeverinë Berisha Ilir Rusmali. Ky i fundit dha dorëheqje për shkak se vëllai i tij, një qytetar i lirë dhe i padënuar asnjëherë, u përgjua duke folur për një tender, tender të cilin nuk e mori kurrë.

Vëllai i Fatmir Xhafajt, është i dënuar me vendim të formës së prerë për trafikim ndërkombëtar droge nga autoritetet italiane, por për Xhafajn nuk do të thotë gjë, ai nuk jep dorëheqje, por rri në zyrë dhe numëron grupet kriminale. Herë pas here Fatmir Xhafaj del dhe publikon numrin e grupeve kriminale që operojnë në vendin tonë, thotë se janë identifikuar, por nuk bën asgjë për t?i arrestuar.

Xhafaj është ministri i vetëm në Evropë që ka lidhje të forta gjaku në mënyrë të të drejtpërdrejtë, me një të dënuar për trafik droge. Vëllai është prova, por sërish nuk e prish terezinë.

Xhafaj për të vënë në vend moralin dhe integritetin e Ministrit të Brendshëm, minimalisht duhet të japë dorëheqje.

Ne nuk do të ndalemi së thënë ?Xhafa jep dorëheqje!?, jo si një parti politike, por pasi ministri i shqiptarëve është kapur ?i gjallë? dhe nuk dorëhiqet, largimi i tij duhet për të vënë në vend moralin e përdhosur të Ministrisë së Brendshme. /CNA.al