E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Me llogari bankare të zeruara/ Prokurori i Apelit blen garazh 12 mijë euro

2 Maj 2018, 11:29, Aktualitet CNA

Mundësisë për ti shpëtuar flitrit të trefishtë të Vettingut sa vijnë dhe bëhen të pakta.

Komisioni i Vettingut prej kohësh e ka nisur verifikimin në detaje sa i përket pasurisë së deklaruar nga gjyqtarët dhe prokurorët. Në të njëjtën kohë hetime janë kryer për fshehjen e mundshme të shpenzimeve, dhuaratave dhe pasurive të patundshme.

57 gjyqtarëve dhe prokurorëve, pasi janë grumbulluar dosje për ta, u janë verifikuar të dhënat pasurore në terren në mënyrë të imtësishme.

Aktualisht ?drejtësia? po mban frymën. Lista e zezë me gjyqtarët dhe prokurorët që do të përjashtohen është gati. ?Kokat? e para janë prerë tashmë, e në radhë janë të tjerë.

Largimi apo edhe shkarkimi nga Komisioni i Pavarur i Kualifikimit i gjyqtarëve dhe i prokurorëve të korruptuar, është fakt se si ka funksionuar drejtësia përgjatë këtyre viteve.

Me qëllim të informimit publik CNA.al nuk do të ndalet se pasqyruari të gjitha hapat e procesin të Vettingut, ku njëra fazë i përket deklarimit të pasurisë.

Luan Kaloçi, është prokuror pranë Prokurorisë së Apelit dhe njëherësh pjesë e listës për Këshillin e Lartë të Prokurorisë.

Në janar të vitit 2017, Komisioni administrativ i Prokurorisë së Përgjithshme për verifikimin e kritereve për prokurorët që kandidojnë për Këshillin e Lartë të Prokurorisë ka vlerësuar se të gjithë aplikantët, në total 19, ku bën pjesë edhe Luan Kaloçi, plotësojnë kushtet formale për të kandiduar, për pozicionin e anëtarit në këtë strukture të re.

Fillimisht Kaloçi duhet të kalojë procesin e Vetingut, për t?u bërë pjesë e Këshillit të Lartë të Prokurorisë.

Thënë ndryshe, duhet të justifikojë pasurinë, dhe të konfirmojë aftësinë e tij si prokuror, duke iu referuar këtu edhe çështjeve që ka pasur në dorë nga e kaluara. Rikujtojmë se qindra qytetarë çdo ditë paraqiten pranë Komisionit të Vettingut.

Sipas asaj që ka deklaruar pranë ILDKPKI-së, Kaloçi rezulon se ka të ardhura nga paga e tij, e bashkëshortes dhe e fëmijëve. Ajo çfarë është ironike, ka të bëjë me deklarimin e tre gjendjeve të llogarisë në vlerën zero, ndërkohë që ka të ardhura nga qiraja dhe blen një garazh 12 mijë euro në emër të djalit.

Siç duket disa gjyqtarë dhe prokurorë nuk i kanë marrëdhëniet mirë me bankat, dhe paratë e tyre preferojnë t?i mbajnë në shtëpi.

Gjithsesi, pa paragjykuar burimet pasurore të prokurorit Kaloçi, do të jetë Komisioni i Vettingut ai që do të përcaktojë fatin e tij profesional.

Pasuria e deklaruar më 27.03.2017

Shitur një automjet tip Ford, viti prodhimi 2005 në shumën 4 000 euro.

Blerë automjet tip Bez Mercedez, prodhim i vitit 2002 në shumën 3 500 euro.

Blerë një garazh me sipërfaqe 13.37 metra katror, sipas kontratës së datës 02.06.2016 me vlerë 12 000 euro. Regjistruar në emër të djalit. Burimi i krijimit të parave nga kursimet familjare.

Kursime cash, nga të ardhurat familjare për vitin 2016 në shumën 650 000 lekë.

Të ardhura nga paga si prokuror pranë Prokurorisë së Apelit në shumën 15 210 34 lekë.

Të ardhura nga paga e bashkëshortes në shumën 506 148 lekë.

Të ardhura nga paga e djalit në shumën 673 766 lekë.

Të ardhura nga paga e vajzës në shumën 3 756 euro.

Të ardhura nga qiraja në shumën 264 000 lekë.

Pagesa e kredisë për vitin 2016: detyrime të paguara 3 720 lekë, ndërsa të papguara 24 343 euro.